POP 5

Lajmet më të lexuara të 5 minutave të fundit

Politikë

Lajme nga emisionet

Çika: Celibashi s’është aty për të dhënë mendimin e tij, po të zbatojë ligjin! Demalia: Bashkimi i PD, s’është zgjidhje! Deromema: Demokratët s’duan t’ia dinë për vulën

Gazetari Nebil Çika e ka konsideruar si një sjellje të paligjshme të kreut të KQZ-së, Ilirjan Celibashit, i cili tha sot se “sipas perceptimit të tij, kryetar i PD-së është Sali Berisha, por sipas ligjit është Lulzim Basha”.

TIRANË- Gazetari Nebil Çika e ka konsideruar si një sjellje të paligjshme të kreut të KQZ-së, Ilirjan Celibashit, i cili tha sot se “sipas perceptimit të tij, kryetar i PD-së është Sali Berisha, por sipas ligjit është Lulzim Basha”. Në një intervistë për Report Tv, në emisionin ‘Studio Live’ me gazetarin Arbër Hitaj, Çika tha se Celibashi nuk është aty për të sjellë perceptime personale, por për të zbatuar ligjin.

“Sjellje e paligjshme e kryetarit të KQZ, është për të zbatuar ligjin, jo komente politike. I detyruar që të regjistrojë PD zyrtare, pastaj se kush është PD, më e madhe apo më e vogël, e përcaktojnë votuesit. Kjo është skandaloze. PD duhet të regjistrohet, me sa di unë do ketë kandidatët në të gjitha Bashkitë”, tha Nebil Çika.

Nga ana tjetër, analisit Ilir Demalia, thotë se edhe nëse 2 palët do të bashkohen nuk do ishte një zgjidhje, pasi sipas tij, e gjitha po bëhet për interesa personale të Sali Berishës.

“Edhe sikur këta të bashkohen nuk është zgjidhje e problemit, partia ka një problem shumë të thjesht, këtyre u ka humbur vula me shumë kohë, këto akoma nuk e kuptojnë që ta gjejnë fajin te vetja që kanë përfunduar kështu, kjo s’ka qenë kurrë Parti, aq më tepër demokratike, apo konservatore dhe shkon e bën marrëveshje për Himarën me një njeri që ka qenë në masakrën e Peshkëpisë, nuk kanë asnjë lloj bindje dhe seriozitetit. Pse ka filluar kjo luftë, për ideologji, për diversione brenda partisë, kjo ka filluar për çështjen e Berishës Non Grata e do këtë llogore për veten dhe familjen e tij, kjo parti s’ka qenë kurrë e djathtë”, tha Ilir Demalia.

Mirëpo, përtej vendimit të gjykatës së Apelit, Genc Deromema nga PD-ja e Berishës, thotë se nuk i intereson se nuk kanë vulën, pasi nga takimet që ata kanë pasur në terren, “qytetarët nuk duan t’ia dinë”.

“Demokratët janë në terren dhe po merren me mundësinë për të shtuar votat, jemi duke shpalosur të gjithë alternativë tonë në bashkinë ku do garojmë. Vula nuk më intereson fare, të besojnë të alternative jonë, për menaxhimin më të mirë të qytetarëve, është sigla është vula, nuk i intereson”, tha Genc Deromema.

Në këtë rrjedhë logjike, Bislim Ahmetaj tha se ‘Rithemelimi’ do të bëjë ankimim, por ajo që është e sigurt është se do të futen në zgjedhje.

“Do bëjmë ankimin , variant i fundit është hyrja në zgjedhje, në rast se kundërshtohemi nga KQZ, do hyjmë në zgjedhje në koalicion”, tha Ahmetaj.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pelioni: 09/03/2023 20:25

    Ky Celibashi ka për detyrë të lexojë e zbatojë gërmë për gërmë e pikë për pikë ligjin sa për perceptimet personale ato le t'ja shpreh e komentoj kunatit Fatmir Mediu që ka halle të përbashkëta me salheun për të zgjidhur në spak dhe të dy kryetarllëkun nuk e duan se ju dogj barku për demokracinë e opozitën por për bythën e tyre e që nëpërmjet saj të thërrasin e pëllasin se gjithçka e bëjnë për pop.për demokracinë,për pluralizmin,,,,kur se fakti ata e kanë vrarë,përgjakur,vjedhur,përdhunuar e tradhëtuar demokracinë,pop,pluralizmin,,,prandaj Celibashi vetëm lexo,lexo,e zbato,zbato ligjin.Demokracia është ligj dhe vetëm ligj.

    Përgjigju
  • Bond: 09/03/2023 19:51

    Nebil Cika ka te drejte, sepse Celbesira Celibashi eshte kunat i Fatmir Mediut dhe do ti beje qoken Sahale Berishes....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37