POP 5

Lajmet më të lexuara të 5 minutave të fundit

Sport

City kurorëzohet kampione e Anglisë, Barcelona bën 'vetëvrasje' dhe Napoli hipotekon Championsin (VIDEO)

Mançester Siti është kampione e Anglisë për herë të shtatë në histori. Humbja e kushërinjve të Junajtid i dha skuadrës së Guardiolës triumfin edhe matematikisht. Ndërkaq Barcelona barazon dhe i thotë lamtumirë titullit dhe Napoli hipotekon Championsin në Itali.

Kur titullin kampion e shijon nga divani dhe ta jep matematikisht humbja e rivalëve të përjetshëm të shijon edhe më shumë. Manchester City u shpall kampione e Anglisë për herë të shtatë në histori pas humbjes që United pësoi në “Old Traford”. Manchester United u mposht 2-1 nga Leicester që mbetet në zonën Champions. “Djajtë e kuq” të dytët janë 10 pikë larg Cityt dhe me tre ndeshje të mbetura nuk e arrijnë dot. Ky është titulli i tretë kampion për Pep Guardiolën nën drejtimin e skuadrës angleze gjë për të cilën spanjolli është shumë krenar por thotë se ky ishte më i vështirë se dy të parët. City këtë sezon synon edhe Championsin.

Ndërkaq Barcelona bën vetëvrasje në fushën e Levantes dhe i thotë lamtumirë titullit kampion në Spanjë. Levante-Barcelona u mbyll në barazim 3-3 në një duel dramatik që lë katalanasit dy pikë larg Atleticos në renditje me mundësi shumë të pakta për titullin. Messi dhe Pedri bënë që pjesa e parë të mbyllej në avantazhin e dyfishtë të Barcelonës por vendasit barazuan në fillimin e pjesës së dytë. Dembele kaloi sërish Barçën në avantazh dhe Sergio Leon u prishi festën 7 minuta nga fundi. Barcelona thuajse e humb kampionatin.

Napoli hipotekon kualifikimin në Champions. Ndeshjen hapëse të javës së 36-të në Itali napoletanët e fituan 5-1 ndaj Udineses dhe marrin vendin e dytë. Sot zbresin në fushë Milani, Juvja e Atalanta ndërsa luhet edhe Inter-Roma./ Përgatiti Andi Kapxhiu

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Dumani në Kuvend, Braçe: Turp, seanca kaloi në kontroll politik, u mor në pyetje nga personat që po heton! PS s’duhej ta kishte lejuar

Dumani në Kuvend, Braçe: Turp, seanca kaloi në kontroll politik, u mor në pyetje nga personat që po heton! PS s’duhej ta kishte lejuar

22 Korrik, 18:07