Që Manchester City dëshiron prej shumë kohësh të bëjë pjesë së skuadrës Lionel Mesin, kjo nuk është më një sekret dhe sipas mediave angleze  skuadra ka vendosur të shpenzojë plot 100 milionë paund për të marrë shërbimet e argjentinasit.

Ndërkohë Messi ende nuk e ka rinovuar kontratën e tij me skuadrën katalanase dhe shpesh herë këtë gjë  shumë media e kanë lidhur me një transferim të mundshëm të tij drejt Anglisë.   

Nga ana tjetër, vet Pep Guardola, trajner i Manchester City, ka deklaruar se për të do të ishte një kënaqësi shumë e madhe të punonte sërish me Messin por sipas tij kjo gjë ka shumë pak gjasa të ndodhë, pasi me shumë mundësi Messi do ta mbylli karrierën e tij te Barcelona.

Nëse një transferimi i tillë do të ndodhë, atëherë padyshim që do të jetë një nga më të shtrenjtët në historinë e futbollit evropian.

Redaksia Online
D.T/Shqiptarja