POP 5

Lajmet më të lexuara të 5 minutave të fundit

Sociale

Çmimi i grurit bie në 25 lek/kg, fermerët e Maliqit: S’nxjerrim as shpenzimet! Braçe-Krifcës: Pse sillemi kështu me grurin?

Në fushën e Maliqit ku janë kultivuar 4 mijë hektarë me grurë prodhimi ka mbetur stok, pasi çmimi ka rënë në 25 lek për kg. Fermerët ankohen se nuk mbulojnë dot as shpenzimet. Shqetësimit të tyre i bashkohet deputeti socialist Erion Brace, i cili thotë se tregu nuk po funksionon.

Prej ditësh në fushën e Maliqit ka nisur korrja e grurit por ndryshe nga vitet e kaluara prodhimi është më i ulët. Fermerët e Maliqit rendisin një sërë arsyesh por më së shumti i dëmtuan rreshjet dhe moti i lagësht përgjatë periudhës Maj -Qershor. Fermerët thonë se me këtë rendiment nuk mbulojnë as koston e prodhimit.

“Është dobët nuk është si ngahera gruri, nuk është normal si ishte më para. Pjesë-pjesë ka kapur kalbëzimi, asgjë nuk nxjerrë këtë vit, as koston nuk e nxjerr dot. ra breshëri e dëmtoi grurin. Nuk kemi të ardhura vetëm rrëmo kot, të ngremë duart lart”, tha një fermer.

Një tjetër problem me të cilin po përballen fermerët është edhe gjetja e tregut. Sipas tyre çmimi 25 lekë për kilogram është tepër i ulët dhe qesharak.

Problem është çmimi shumë I ulët, shumë keq është. Jemi mërzitur aq tepër sa s’ka, s’kemi ndihmë nga askush vetëm me forcat tona.

Nuk i vlen fermerit të mbjellë as grurë asgjë, çmimi i grurit nuk shkon si më parë, këtë vit e kërkojnë më 25. Kemi shpresë që të ngrihen çmimet dhe të ulet buka thirrje qeverisë të uli çmimet”, thonë ata.

Drejtori i Bujqësisë pranë bashkisë Maliq, Arben Dulellari tha se në fushën e Maliqit janë mbjellë 4000 hektarë me grurë por mbi 120 hektarë janë dëmtuar nga lagështia dhe temperaturat e ulta.

Ndërsa për çmimin e ulët të grurit ka reguar deputeti socialist Erion Braçe, duke postuar në rrjetet sociale shqetësimin e një fermeri nga Lushnja, I cili ka kultivuar 400 hektarë grurë.

“Thirrja  e znj.Ministre për të mbjellë grurë u dëgjua përfituam dhe subvencionin e farës. Por humbëm çmimin! Është turp dhe jo e drejtë  të shitet gruri 25 lek kg”, shkruan Kejdi, fermeri 25-vjeçar nga Lushnja, ndërsa deputeti Braçe, duke përdorur batutën e kryeministrit “Kur do flasim?!”, i drejtohet ministres Krifca me fjalët: Pse sillemi kështu me grurin? Po me bujqit e grurit? Pse sillemi sikur si njohim?!

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petrit: 18/07/2023 08:42

    Ne vendet me shumicen e siperfaqes se tokes kodrinore apo malore, nuk duhet mbjellur grure (te pakten nuk ka llogjike ekonomike), kultura bujqesore duhet te jete qe te minimizoje koston e prodhimit. Gruri don siperfaqe toke te medha dhe jo te parcelizuara sic jane tek ne, perndryshe kostoja i bie shume e larte dhe detyrimisht pa leverdi.Nese i shikoni neper bote , veshtire qe te mbjell kush te pakten nen 50ha toke grure, Gjithsesi bujku duhet perkrahur dhe orientuar nga specialistet me te zote dhe te plot-informuar.

    Përgjigju
  • Maks: 18/07/2023 08:38

    Mos e shisni grurin ketyre grosisteve ruajeni per me von Shihni rusia nuk shet me grur ne europ dhe grurin ukrainas e bllokoj Parazhikimet e cmimit te grurit jane te frikshme Zoti i qetesoft mendjet e nxeta

    Përgjigju
  • flori: 18/07/2023 03:45

    prodhoni sa me shume grure ,,,,se rusia w mbylli eksportin ....nuk duhet te mbahemi me miell hua....

    Përgjigju
  • Iris: 18/07/2023 00:51

    Tani qe Putini prishi marreveshjen e grurit,cmimi do shkoje /up,up.up/,s.d.q,kush eshte idioti qe rekomandoi mbjellje gruri ne Maliq.Korce?! Ajo eshte nje nga zonat me me lageshti e me nje nga klimat me te keqia ne vend.

    Përgjigju
  • redi: 17/07/2023 22:34

    Gruri me cmimin qe eshte sot dhe problemet e magazinimit duhet te shqetesoje qeverine.Nuk eshte keq qe nje pjese te madhe ta blej shteti per rezervat e tij dhe mundesisht te ngreje dhe nje fabrike shteterore per te thyer monopolin e miallit ndryshe mijera fermere do oerballen me deshtimin

    Përgjigju
  • Sondazhi i ditës:

    ‘Rasti Qefalia’, a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Britania ndryshon ligjin, i jep përparësi kërkesave për azil nga shqiptarët

Britania ndryshon ligjin, i jep përparësi kërkesave për azil nga shqiptarët

22 Korrik, 16:38