Coca-Cola fushatë sensibilizimi
kundër obezitetit

SHBA - Obeziteti është një nga shqetësimet kryesore për amerikanët, të cilët janë duke u përpjekur, që të gjejnë një zgjidhje të ndryshme. Kompania gjigande e Coca-Colës ka nisur një fushatë sensibilizimi kundër obezitetit.

Në mënyrë që të parandalohet ky fenomen, i cili po përhapet me shpejtësi, kompania gjigande e Coca-Colës ka nisur një fushatë sensibilizimi kundër obezitetit.

Reklama ka si qëllim, që konsumatorët të përdorin pije me kalori të ulta dhe të përkujdesen për ushqimet që përmbajnë më pak kalori.

Ndërkohë Në qytetin e New York është duke u përgatitur një dekret për të ndaluar pijet me përmbajtje të lartë sheqeri, në restorante, kinema dhe stadiume.

Për reklamën, kompania u shpreh se videoja ka si qëllim rritjen e ndërgjegjësimit në përdorimin e pijeve me nivel të ulët sheqeri.

Kjo nuk është hera e parë që kompania e Coca Colës përdor manifestime apo spote për të sensiblizuar këtë fenomen të rrezikshëm.

Sipas statistikave të Organizatës Botërore të Shëndetësisë tregohet se Shtetet e Bashkuara zënë vendet e para në botë ku obeziteti është problem.

(ad.ti/l.ç/shqiptarja.com)