POP 5

Lajmet më të lexuara të 5 minutave të fundit

Kultura

'Colours of Albania 2018' fokusohet te përkatësia europiane e Shqipërisë

Konkursi "Colours of Albania 2018",  ka çelur siparin në mjediset e Universitetit të Arteve nën moton “Trashëgimia kulturore dhe përkatësia evropiane”.
'Colours of Albania 2018' fokusohet te përkatësia europiane e Shqipërisë

Fotografi dixhitale për konkursin "Colours of Albania 2018"

Konkursi "Colours of Albania 2018",  ka çelur siparin në mjediset e Universitetit të Arteve nën moton “Trashëgimia kulturore dhe përkatësia evropiane”. Konkursin e ka përshëndetur edhe vetë kryeministri Edi Rama në orët e para të mëngjesit, duke postuar në statusin e tij në Facebook fotografinë e preferuar:

 MIRËMËNGJES, dhe me lajmin e çeljes së konkursit të fotografisë dixhitale #ColoursofAlbania2018, që për këtë vit do të fokusohet tek “Trashëgimia kulturore dhe përkatësia evropiane” e Shqipërisë, ju uroj një fundjavë të qetë
Konkursi do të jetë i hapur deri më 30 korrik 2018 për të gjitha fotot tuaja që do të nxjerrin në pah vlerat e jashtëzakonshme të shoqërisë shqiptare apo pamjet mahnitëse që aparati juaj mund të kapë lehtësisht në çdo pëllëmbë të vendit.

Kryeministri, Edi Rama

Konkursi u çel në prani të Ministrit për Europën dhe Punët e Jashtme Ditmir Bushati, Ministres së Kulturës, Mirela Kumbaro, Ambasadores së Delegacionit të BE-së në Shqipëri Romana Vlahutin, trupit diplomatik të akredituar në Shqipëri dhe shumë të ftuarve të tjerë nga fusha e artit dhe kulturës.

Edicioni i 4-t i konkursit të fotografisë dixhitale #ColoursofAlbania2018, ka si moto “Trashëgimia kulturore dhe përkatësia europiane”, e cila përkon me lajtmotivin e Bashkimit Europian për vitin 2018.

Konkursi do të përfshijë edhe temat mbi ngjyrat e shoqërisë shqiptare, bashkëjetesën fetare, qytetet e fshatrat mahnitëse, bregdetet e peizazhet e paprekura, si dhe transformimin e Shqipërisë në vitet e fundit dhe rilindjen e zonave rurale.

Ambasadorja e Delegacionit të BE-së në Tiranë, Romana Vlahutin, e cila hapi këtë edicion u shpreh se “jam e lumtur që në këtë libër që është një nga më të preferuarit e mi, ju nuk shihni vetëm vende të bukura, por edhe njerëz të bukur dhe ky është një pasqyrim i ngjyrave, shpirtit dhe zemrës së Shqipërisë”. 

Gjatë fjalës së tij me këtë rast, Ministri Bushati vuri në pah se “shpesh çështjet e politikave evropiane duhet t’i kanalizojmë drejt bashkëpunimit kulturor". 

Kultura si pasaportë tashmë e ka vendin e vet, jo thjesht në Europën e Bashkuar, pasi këtë nuk e ka sot, e ka pasur që kur kontinenti ekzistonte si i tillë. Nëse ka një fushë në të cilën Shqipëria flet në të njëjtën gjuhë së bashku me të gjithë vendet e tjera është trashëgimia jonë kulturore, historia jonë e përbashkët.

Ministrja e Kulturës,  Mirela Kumbaro

Risia e këtij edicioni është përfshirja e artistëve të rinj, liceistë të Liceut Artistik “Jordan Misja” të cilët u angazhuan në vizatimin e logos së re #ColoursofAlbania2018, e cila do të jetë simboli i këtij edicioni. Këngëtarët Venera Lumani, Lind Islami dhe instrumentistët e Liceut “Jordan Misja artistik përshëndetën aktivitetin me performancat e tyre mbresëlënëse.

( Fotografi dixhitale për Konkursin "Colours of Albania 2018" )

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre

Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre

24 Nëntor, 18:20