Conte dhe Di Maio në New York: Italia dëshiron rolin e lidershipit në botë për Ekonominë e Gjelbër

"Italia dëshiron rolin e lidershipit në botë për ekonominë e Gjelbër. - Ky është mesazhi që Kryeministri Giuseppe Conte do t'i dërgojë Asamblesë së Përgjithshme të Kombeve të Bashkuara.

 "Kjo - ka sqaruar Kryeministri Conte në New York, - padyshim nuk do të thotë të taksojmë sistemin tonë të prodhimit për të gjeneruar burime financiare, por do të thotë krijimi i stimujve për të ridrejtuar të gjithë sistemin ekonomik në atë drejtim".

Ministri i Jashtëm Luigi Di Maio tha se ai "ishte plotësisht dakord" me kryeministrin në aspiratat italiane për një rol drejtues në ekonominë e gjelbër, "por - shpjegoi ai – ‘ka procese tranzicioni që duhet të vihen në lëvizje, është e rëndësishme që ne të mos krijojmë tronditje.

Ne duhet t'u japim njerëzve kohë për të përshtatur stilin e jetës së tyre dhe kompanitë që të jenë në gjendje të konvertohen".

Sot në samitin e klimës, rreth 60 përfaqësues të vendeve të ndryshme të botës, do të tentojnë të ringjallin marrëveshjen e përgjumur të Parisit mbi klimën.

TAG:
• itali
• rome
• OKB
• luigi di maio
• Giuseppe Conte
• Ekonomia e Gjelber