Pas fitores me ekipin e Palermos dhe rikthimit nga dënimi i gjatë, Antonio Conte ka bërë një përmbledhje të gjithcka ka ndodhur me Juventus në mungesë të tij dhe objektivat këtë edicion.

Në plan të parë për teknikun qëndron kampionati më pas Champion League dhe Kupa e Italisë. “Juventusi është në krye të kampionatit dhe për këtë meriton fjalët më të mira.

Stafi drejtues ka bërë një punë shumë të mirë, e cila shpresoj që të vazhdojë edhe në të ardhmen me këtë nivel.

Kampionati është objektivi primar të cilin dua të fitoj sërish, ndërsa Champions vazhdon të jetë objektiv prej shumë vitesh.

Do ta japim maksimumin, por mendoj që duhet një investim në merkato afro 45-50 mln euro për të konkurruar denjësisht me Realin, PSG, apo Barcelonën” përfundon Conte.

(d.b/shqiptarja.com)