Milani dhe Juventusi sigurojnë fitore këtë javë në Serinë A. "Zonja e Vjetër" i uron mirëseardhjen në mënyrën më të mirë trajnerit të saj, Antonio Conte pas pezullimit për mos kallëzim të trukimit të ndeshjeve.

Në transfertën e Palermos Lishtajner ka vendosur me golin e tij në minutën e 50'.

Ndërsa Conte është pritur me entuziazëm nga ekipi dhe tifozët të pranishëm në shkallët e stadiumit të Palermos.

Milani fiton në Torino me goleadë. Epërsia e Santanës në minutat e para është sfumuar menjëherë nga pokeri i Robinjos, Nocerinos, Pazinit dhe El Sharauit.

Ndërsa Boceti ka ngushtuar diferencën për vendasit vetëm për statistikë.

Guarin dhe Milito i kanë dhënë një fitore mjaft të çmuar ekipit të Interit në ndeshjen kryesore të javës përballë Napolit.

Golin e vetëm për miqtë e shënoi Kavani, por shpresat e Napolit për të barazuar

shifrat dhe për të dalë me një pikë nga kjo ndeshje nuk u realizuan, pasi zikaltërit e administruan lojën mjaft mirë.

(d.b/shqiptarja.com)