Cop25, Greta në marshimin e klimës, 500 000 në protestë, suedezja largohet me këshillën e policisë (VIDEO)

Aktivistët e Lëvizjes pë Klimën mbushin Madridin. Rreth gjysmë milioni njerëz morën pjesë në marshimin e madh në mbrojtje të klimës, aq shumë sa aktivistja suedeze u largua nga marshimi me këshillën e policisë.

Nga Madridi, ku ndodhej për protestën e organizuar nga mbështetës dhe aktivistë të lëvizjes, ‘E premte për Ardhmërinë’, aktivistja suedeze tha se përkundër protestave masive në mbrojtje të klimës, nga qeveritë e botës nuk është ndërmarrë asnjë veprim i vërtetë.

"Unë mendoj se kemi arritur shumë. Ne kemi rritur ndërgjegjësimin e publikut, dhe ky është një hap i madh në drejtimin e duhur. Por pavarësisht kësaj, emetimet e CO2 nuk po zvogëlohen, ato në fakt po rriten. Ende nuk kemi arritur asgjë"- tha Thunberg. "Udhëheqësit botërorë po na tradhtojnë por ne nuk do të lejojmë që kjo të ndodhë përsëri - tha Greta nga skena e Madridit - Ne nuk do t'i lejojmë ata të largohen nga Samiti. Le të themi" mjaft! Dhe ndryshimi po vjen, pavarësisht nëse ju pëlqen apo jo atyre."

Shtatorin e kaluar, Greta dhe 15 fëmijë të tjerë nga 12 vende të botës paraqitën një ankesë historike në Komitetin e OKB për të Drejtat e Fëmijëve për të protestuar kundër mosveprimit të qeverive përballë krizës klimatike, duke argumentuar se dështimi i shteteve në adresimin e krizës përbën shkelje të të drejtave të fëmijëve dhe adoleshentëve.

Ngjarja e rradhës, si asnjëherë mori vëmendjen e gjithë medias botërore.

Javën tjetër, Komisioni Evropian i sapokrijuar do të duhet të paraqesë marrëveshjen e tij të Gjelbër, në një kohë kur kontinenti duket se po shkon drejt dështimit të objektivave të Parisit, i cili në vitin 2015 angazhoi vendet e KB të kufizojnë mbinxehjen në 1.5 gradë në përgjithësi krahasuar me epokën para-industriale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

I riu nga Kosova arrestohet në Tiranë, dyshohet se kreu marrëdhënie seksuale me një të mitur! I shpërndau videon në rrjete sociale

I riu nga Kosova arrestohet në Tiranë, dyshohet se kreu marrëdhënie seksuale me një të mitur! I shpërndau videon në rrjete sociale