Receta

Çorbë me thjerrëza të kuqe dhe nenexhik nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 30 Qershor 2023, 11:41 | Përditesimi: 30 Qershor 2023, 11:46

Çorbë me thjerrëza të kuqe

Përbërësit:

1 gotë thjerrëza
1 qepë
1 lgj gjalpë
1 lgj vaj ulliri
1 lgj salcë domate
1 lgj salcë speci
1 lgj nenexhik i thatë
1 thelpi hudhër
1 lgj miell
Kripë, piper i zi
Piper i kuq

Përgatitja:

LEXO EDHE:
Fërgesë me speca, gjizë dhe domate nga zonja Albana

I lëmë thjerrëzat gjithë natën në ujë (si fasulet) dhe të nesërmen i kullojmë ujin. Në një tenxhere kaurdisim qepën e grirë imët me pak vaj ulliri. Shtojmë një thelpi hudhër dhe pak kripë për të ndihmuar zbutjen e qepës. Shtojmë më pas thjerrëzat e kulluara, salcën e domates, salcën e specit, kripën dhe piperin e zi. Shtojmë ujë në masë të përbërësve dhe i lëmë thjerrëzat të ziejnë.

Ndërkohë në një tenxhere tjetër kaurdisim pak miell me gjalpë. Pasi mielli ndryshon ngjyrë e shuajmë me pak ujë, shtojmë pak piper të kuq dhe e shtojmë masën tek çorba me thjerrëza. Rregullojmë shijen në fund me kripë dhe nenexhik të thatë dhe e servirim të ngrohtë.

MC/Shqiptarja.com

TAG: