Correa rikthehet 'hero', Inter mposht pastër Udinese-n! Sonte supersfida Roma-Milan

Inter ka siguruar tre pikë të tjera në Seria A, pasi për llogari të javës së 11 të kampionatit ka mposhtur 2-0 Udinesen në ‘San Siro’. Pavarësisht se dominuan të gjithë ndeshjen zikaltërit zhbllokuan vetëm në pjesën e dytë me Joachim Correa, që u rikthye të shënonte pas shumë kohësh, por bëri edhe njëherë heroin. Argjentinasi nuk u ndal me kaq sepse në minutën e 68 realizoi edhe golin e dytë persona, që vulosi edhe shifrat përfundimtare të takimit.

Ndërkohë ndryshe nga Interi Juventus ka marrë humbjen e dytë radhazi në kampionat, pasi Verona e ka mposhtur 2-1. Në Bentegodi vendimtare ishte ‘dopieta’ e Simeones, ndërsa goli i McKennie vlejti vetëm për statistike. Më këtë humbje Juventus është të paktën 13 pikë larg kreut, ndërsa distanca mund të zgjerohet.

Kjo pasi Milani kryesues sonte do të luajë supersfidën e javës në transfertë kundër Romës së Jose Mourinho-s. Ky i fundit në prag të ndeshjes, që nis në orën 20:45, ka zgjedhur të mos polemizojë, ndërsa përveç Spinazolës dhe Smalling nuk ka asnjë mungesë tjetër.

Ndërkohë te Milan vijojnë të mungojnë Florenzi, Rebic, Maignan, Castellijo dhe Junior Messias. Sakaq trajneri Pioli i druhet faktit që Roma nuk ka humbur asnjë ndeshje këtë sezon në shtëpi, ndërsa shton se Moutinho është një trajner shumë i zoti taktikisht.

Roma aktualisht ka 7 pikë më pak se Milani, ndërsa vjen pas një fortune në europë ku humbi 6-1 që u zbeh në mesjavë pas fitores me Cagliarin.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Në bodrum me derë sekrete, zbulohet 'miniera” e kanabisit në Sarandë! Në pranga 2 punonjës të OSHEE, në kërkim pronari (VIDEO)