Covid/ Portugalia shtrëngon masat kufizuese për të frenuar pandeminë

Covid/ Portugalia shtrëngon masat kufizuese për të frenuar pandeminë

Qeveria portugeze sot vendosi të forcojë kufizimet e saj shëndetësore pak para fillimit të vitit shkollor, në mënyrë që të frenojë rritjen e numrit të rasteve të reja të koronavirusit.

Bazuar në masat e miratuara në Këshillin e Ministrave, të cilat do të hyjnë në fuqi të martën, numri i njerëzve në tubime do të ulet nga 20 në 10 në të gjithë vendin, siç është tashmë rasti në Lisbonë dhe rajonin e tij. Gjithashtu shitja e pijeve alkoolike dhe konsumimi do të ndalohet kudo duke filluar nga ora 20 e mbrëmjes

"Kemi parë një rritje të qëndrueshme të numrit të rasteve të reja që nga fillimi i gushtit," i tha shtypit Kryeministri Antonio Costa.

Portugalia dje raportoi 646 raste të reja në 24 orë, shifra më e lartë që nga 20 prilli.

Kreu i qeverisë shtoi se shumica e këtyre infeksioneve të reja prekin njerëzit midis moshës 20 dhe 39 vjeç dhe shumica e tyre nuk kishin asnjë simptomë të sëmundjes.

Me 10 milion banorë, Portugalia regjistron gjithsej 1,852 vdekje nga Covid-19 dhe 62,126 raste të konfirmuara zyrtarisht, sipas raportit zyrtar të lëshuar sot.

Njoftimi i kufizimeve vjen ndërsa rreth një milion të rinj portugezë do të kthehen në shkollë midis të hënës dhe të mërkurës dhe kryeministri gjithashtu u ka bërë thirrje kompanive të vazhdojnë të promovojnë teleworking ose punën alternative sa më shumë që të jetë e mundur.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis