POP 5

Lajmet më të lexuara të 5 minutave të fundit

Ekonomi

Shëndeti

COVID tkurr shitjet me pakicë të bizneseve, INSTAT: Sektorët më të goditur, hotelet, agjencitë dhe baret/restorantet

Pandemia globale përveç reduktimit të të ardhurave, ka ndikuar direkt edhe tek tregtia me pakicë. INSTAT raporton se bizneset e sektorit të turizmit në tre muajit e parë janë përballur me rënie të ndjeshme të shitjeve. Më të fituarit gjatë karantinës kanë qenë riparuesit e mjeteve dhe shërbimi postar.

Më pak shitje e blerje. Është kjo një nga pasojat e Pandemisë Covid-19 që ka goditur më së shumti sektorin e turizmit. Janë këto ndër bizneset e para që u mbyllën në muajin mars.

Sipas të dhënave të Institutit të Statistikave në tremujorin e –parë, shitjet neto në sektorin e Hoteleve kanë rënë me 7.9%.  Ato qëndruan të kyçura deri në muajin maj dhe për shkak të mbylljes së kufijve edhe rezervimet apo aktivitetet që mund të zhvilloheshin në ambientet e tyre, u anuluan ose u shtynë për në një moment tjetër.

Më pas janë agjencitë turistike, që praktikisht ende janë pjesërisht të mbyllura pasi kufijtë ajror nuk janë hapur të gjithë, dhe mungojnë shitjet e biletave apo rezervimeve të ndryshme. Në tremujorin e parë të këtij viti shitjet neto të agjencive turistike kanë rënë me 7.3% krahasuar me 2019, e pasuar nga sektori i bareve dhe restoranteve, ku shitjet kanë rënë 4.8%.

Më pak të punësuar në bare e restorante tregojnë të dhënat e INSTAT për periudhën Janar-Mars duke pësuar rënie 21,7 %, krahasuar me vitin 2019.

Një panoramë optimiste vjen nga riparuesit e automjeteve dhe motoçikletave, kategoria e transportit me postë si dhe grupi i informacion dhe telekomunikacion.

Ndryshe nga të tjerët ata kanë fituar më shumë të ardhura gjatë periudhës së karantinës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51