POP 5

Lajmet më të lexuara të 5 minutave të fundit

Ekonomi

COVID-19/ 55 % e kredisë sovrane 2 nuk u përdor! Norma 5% e interesit 'trembi' bizneset

Paketat financiare të miratuara nga qeveria për të përballuar pasojat e pandemisë COVID-19, në vlerën e 39.5 miliardë lekëve janë shfrytëzuar në nivelin e 65%. Nga përllogaritjet e të dhënave zyrtare të Ministrisë së Financave kuptohet që nga biznesi dhe individët janë përfituar 25.4 miliardë lekë. Ndërkohë shumica e fondeve të pashfrytëzuara i përkasin garancive sovrane.

TIRANË- Bizneset dhe individët përfituan 206 mln euro nga paketat e qeverisë! Mbi 55% e fondit të garancive sovrane nuk u përdor. Më shumë se gjysma e fondit për garancinë e dytë sovrane nuk është shfrytëzuar për shkak të interesit të lartë. Garancia e dytë u miratua më 13 maj, nga këshilli i ministrave në vlerën e 15 miliardë lekëve, por si pasojë e interesit 5% dhe kushteve që duhet të plotësoheshin ajo nuk u përdor shumë nga sipërmarrja, edhe pse ishte për investime.

Ndërsa garancia e parë sovrane e miratuar në 6 prill në vlerën e 11 miliardë lekëve me fokus tek mbajtja në punë e punonjësve, gjeti më shumë përdorim. Me këtë paketë që erdhi një muaj pas shfaqjes së rastit të parë me COVID-19 në vend iu dha mundësia subjekteve që të merrnin kredi pa normë interesi deri në 3 paga për punonjësit, ku shteti dilte garant 100%.

Por sa u përdorën këto dy mbështetje nga subjektet?

Nga 26 miliardë lekë që ishte fondi i vënë në dispozicion për garancitë sovranë janë përfituar nga bizneset vetëm 12.7 miliardë lekë, dhe pjesa tjetër prej 13.3 miliardë lekëve mbeti e pashfrytëzuar, ose konkretisht nuk u përdor 55% e fondit.

Paketa e parë për individin u miratua me 27 mars pas rishikimit të parë të buxhetit ku përcaktuan 12 miliardë lekë për përballimin e pasojave emergjente. Nga ky rishikimin 6.5 miliardë lekë u vendos që do të përdoreshin për 3 pagat e luftës nga 26 mijë lekë për ata që dolën të papunë si pasojë e mbylljes së bizneseve me vendim të qeverisë, ku u përfshin kryesisht të punësuarit e biznesit të vogël.

Mjaftoi një muaj pandemi që nevoja për financim të kërkojë një rishikim të dytë të buxhetit me 15 prill 2020. Këtë herë për të mbështetur punonjësit e ish-punonjësit shkuan 7 miliardë lekë, për dhënien e bonusit prej 40 mijë lekësh. 

Por sa u shfrytëzuan paketat për pagat?

Konkretisht nga 13.5 miliardë lekë që ishin fondet për mbështetjen  me paga për të punësuarit dhe të papunët, janë përfituar 12.7 miliardë lekë deri në 3 shtator kur është edhe përditësimi i fundit i të dhënave nga Ministria e Financave. Paketat për paga janë shfrytëzuar mbi 95%. Paketat financiare të miratuara nga qeveria për të përballuar pasojat e pandemisë COVID-19, në vlerën e 39.5 miliardë lekëve janë shfrytëzuar në nivelin e 65%. Nga përllogaritjet e të dhënave zyrtare të Ministrisë së Financave kuptohet që nga biznesi dhe individët janë përfituar 25.4 miliardë lekë.

Përdorimi i paketave për pagat
Paketa 1 për 3 paga nga 26 mijë lekë ishte 6.5 mld lekë u përdorën 5,8 mld lekë.
Paketa 2 për bonusin prej 40 mijë lekë ishte 7 mld lekë, u shfrytëzuan 6,8 mld lekë.
Totali i dy paketave për pagat 12,742,627,298
U kursyen 757.3 milionë lekë

Garancitë sovrane
Garancia sovrane 1 në vlerën e 11 mld lekë u përdor në masën 6,4 mld lekë.
Garancia sovrane 2 në vlerën e 15 mld lekë u përdor në masën 6,2 mld lekë.
Në total janë shfrytëzuar 12.707.348.646 lekë nga 26 mld lekë
U kursyen 13.292.651.354 lekë

Shfrytëzimi i paketave
Paketat e qeverisë në total kapnin vlerën e 39.5 mld lekëve
Në total janë përdorur nga paketat e qeverisë 25,4 mld lekë.
Nuk janë përdorur në total 14.1 miliardë lekë

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça