POP 5

Lajmet më të lexuara të 5 minutave të fundit

Ekonomi

COVID-19/ Banka e Shqipërisë merr masat për të shtypur kartëmonedha të reja

Edhe pse në kohë pandemie paraja në qarkullimin nuk do të mungojë. Banka e Shqipërisë ka njoftuar se ka rritur kapacitetin për të garantuar furnizimin me kartëmonedha të ekonomisë. Pra për të ulur efektet negative të pandemisë, Banka është e gatshme për të shtypur kartëmonedha vetëm për këtë qëllim.

Nuk do të mungojnë paratë në qarkullim. Njoftimin e ka dhënë vetë Banka e Shqipërisë e cila ka vendosur të rrisë kapacitetet operacionale për të garantuar furnizimin e pandërprerë të ekonomisë me monedhë dhe kartëmonedhë.

Në këtë mënyrë plotësohen kërkesat e tregut për para fizike, po ashtu duke siguruar njëkohësisht një stok të mjaftueshëm me qëllim përballimin e nevojave në rritje të ekonomisë, kështu banka përdor instrumentin e radhës për të kapërcyer efektet e pandemisë duke shtypur kartëmonedha vetëm për këtë qëllim.

Kjo u paralajmërua edhe nga drejtori i politikës monetare në BSH, Erald Themeli pak ditë më parë në një intervistë për Report Tv. 

Sipas të dhënave të Bankës së Shqipërisë deri në datën 23.4.2020, paraja në qarkullim është rritur me 6.4 miliardë lekë krahasuar me 31.3.2020 dhe me 9.6 miliardë lekë krahasuar me fundin e vitit 2019. Ndërsa në muajin prill, paraja në qarkullim krahasuar me të njëjtën periudhë të vitit të kaluar është rritur me 5.7 miliardë lekë dhe nga fillimi i vitit është rritur me 9.4 miliardë lekë.

Masa të tjera të ndërmarra janë edhe ulja e normës bazë të interesit, nga 1% në 0.5%, me qëllim rritjen e likuiditetit, apo fondeve që iu vihen në dispozicion bankave në mënyrë që ato të kenë mundësi që të kreditojnë ekonominë me kosto më të ulët. Po ashtu banka vendosi edhe shtyrjen e kësteve të kredisë për tre muaj, për të gjithë kredimarrësit që janë në vështirësi financiare për shkak të pandemisë.

Ndërkohë Banka e Shqipërisë po punon edhe për prodhimin e kartëmonedhave të serisë së re, prerjet 1000 Lekë dhe 10000 Lekë, të cilat do të hidhen në qarkullim brenda këtij viti.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eralldd: 04/05/2020 18:41

    E kuptoni qe shtypja e kartmonedhes do te thote inflacion ?! Zhvleresim te lekut. Kete nuk e beri as Saliu kur plasen piramidat

    Përgjigju
  • Vicidoli: 04/05/2020 17:39

    Leku i ri duhet me stampu doktor Biirishen e meriton ai e bani lule Shqipnin Edvini vec vjedh pret e vret shqiptaret

    Përgjigju
  • Fredi: 04/05/2020 17:06

    Le tvej në kartmonedh surratin e Faik pul kokrrjepmes myzeqare

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03