Grupet e emigranteve nga Siria janë ndër ta paktët këmbësorë që lëvizin përgjatë autostradës që përshkon qarkun e Lezhës, teksa qarkullimi i njerëzve dhe makinave është kufizuar për shkak të masave kundër epidemisë së COVID-19. Që prej mbylljes së kufijve lëvizjet e tyre janë të shpeshta, pasi kanë mbetur të bllokuar në Shqipëri duke e pasur të pamundur të ndjekin rrugën drejt veriut të Europës.
Ata thonë se provojnë të shkojnë drejt Malit të Zi përmes pikave doganore, por nuk lejohen dhe detyrohen sërish të kthehen në kampin e refugjateve në Tiranë. Të lodhur dhe të rrezikuar nga Koronavirusi, sirianët tregojnë se lëvizin me ditë të tëra në këmbë dhe për shkak të izolimit në shumë raste ju mungon edhe ushqimi.
“Unë jam nga Siria për shkak të situatës që është krijuar atje jam larguar. Ka më shumë se 1 muaj që kam hyrë në territorin shqiptar së bashku me shokët e mi dhe disa ditë kemi qëndruar në kampin e refugjateve në Tiranë. Më pas u larguam nga kampi për të shkuar në Malin e Zi. Kemi 10 ditë që ecin në këmbë. Kemi qëndruar tre ditë në Han të Hotit, por nuk na lejuan që të kalojmë në Mal të Zi. Natën e kalojmë jashtë dhe po përballemi me shumë vështirësi, na duhet të udhëtojmë për disa orë për të arritur sërish në Tiranë. Të holla kemi edhe për pak ditë, por po hasim vështirësi për të siguruar ushqim. Dyqanet janë të mbyllura" tregon emigranti
Siriani thekson se situata e krijuar nga koronavirusi i ri i ka frikësuar emigrantët dhe i ka penguar të lëvizin për shkak të mbylljes së kufijve.
Megjithatë, për shkak të gjendjes së krijuar policia nuk i ka kufizuar lëvizjet e tyre nëpër Shqipëri.
“Policia s’na ka thënë gjë edhe pse na kanë parë disa herë. Por Kemi shumë frikë se mund të infektohemi nga COVID-19, por mundohemi të tregohemi të kujdesshëm" thotë emigranti
Shqipëria bën pjesë në të ashtuquajturën rruga transit të emigrantëve drejt vendeve perëndimore. Emigrantët nga Lindja e Mesme pasi kalojnë detin Egje dhe mbërrijnë në Greqi, udhëtojnë transit në mënyrë të paligjshme përmes Shqipërisë, Malit të Zi, Bosnjës dhe në më pak raste drejt Serbisë, në përpjekje për të arritur në Evropën Perëndimore.
Lajme të tjera
-
Giorgia Meloni nesër në Shqipëri, me Ramën në kampin e emigrantëve në Gjadër! Zbulohet axhenda e kryeministres italiane
4 Qershor, 09:28 -
Gjermania ashpërson dëbimin ndaj emigrantëve, ja çfarë parashikohet
4 Shkurt, 15:25 -
Plani për dëbimin e emigrantëve, protesta masive në Gjermani kundër ekstremit të djathtë! I pranishëm edhe kancelari Scholz
27 Janar, 09:50 -
Meloni në Turqi, arrin tjetër marrëveshje për emigrantët
21 Janar, 15:42 -
Italia, stimuj fiskalë për të kthyer 'trurin', do u përgjysmohen tatimet për 4 vjet
26 Dhjetor 2023, 21:35 -
Gjermania bën gati ligjin për deportimin e shpejtë të emigrantëve
30 Nëntor 2023, 19:24 -
Projektligji/ Emigrantët të deklarojnë adresën për çdo banesë në pronësi brenda 6 muajve, nëse refuzojnë s'marrin shërbime të gjendjes civile
16 Nëntor 2023, 15:47 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Kontrabandistët shqiptarë ‘përfitojnë’ nga vendimi i gjykatës së Londrës që rrëzoi planin e qeverisë britanike: Nëse keni dëshirë të vini, askush s’ju kthen më
3 Korrik 2023, 07:27 -
Dita e dytë e samitit të BE për migracionin, Hungaria dhe Polonia kundër pranimit të emigrantëve: Kufijtë e Evropës janë në rrezik
30 Qershor 2023, 12:48 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14
