POP 5

Lajmet më të lexuara të 5 minutave të fundit

Politikë

Vota e Diasporës për 11 Majin, shkon në mbi 50 mijë numri i emigrantëve që kanë aplikuar! Mbi 25 mijë të miratuara, refuzohen rreth 15 mijë

Po vijon me ritme të larta procesi i aplikimit të Diasporës në KQZ për pjesëmarrje në votimet parlamentare të 11 Majit 2025. Shkon në 50 mijë aplikime (kërkesa) numri i emigrantëve, në vetëm 10 ditët e para të procesit, që nisi më 11 Janar. janë shqyrtuar mbi 40 mijë kërkesa

Vota e Diasporës për 11 Majin, shkon në mbi 50 mijë numri i emigrantëve që kanë aplikuar! Mbi 25 mijë të miratuara, refuzohen rreth 15 mijë

Foto ilustruese

Po vijon me ritme të larta procesi i aplikimit të Diasporës në KQZ për pjesëmarrje në votimet parlamentare të 11 Majit 2025.

Shkon në 50 mijë aplikime (kërkesa) numri i emigrantëve, në vetëm 10 ditët e para të procesit (nisi më 11 Janar). 

Gazetarja e Report TV, Esiona Konomi, informon se nga 40,040 kërkesa të shqyrtuara, vetëm 25,295 janë të miratuara, teksa u refuzuan 14,745 të tjerat.

Sipas llogarive, të paktën 1 në 3 persona nuk e ka kuptuar si duhet procesin, por të gjithë ata kanë të drejtë të aplikojnë përsëri deri në 4 mars kur mbyllen regjistrimet. Mbi 590 shqiptarë kanë përdorur një pasaportë apo një kartë identiteti të skaduar, por regjistrimi u është bërë.

Një marrëveshje mes socialistëve dhe demokratëve u arrit ditë më parë në zyrën e kryetarit të KQZ-së, Ilirjan Celibashi. Damian Gjiknuri në emër të Ramës dhe Oerd Bylykbashi në emër të Berishës, i dhanë dritën jeshile tre ndërhyrjeve në Kodin Zgjedhor dhe një rregullimi që do ta bëjë qeveria.

Pakti kënaq të dyja palët, duke plotësuar kërkesa e shqetësime të tyre si dhe ndihmon KQZ-në, të përshpejtojë punën me votën e diasporës. Në emër të procesit, propozimet ligjore u dërguan në Kuvend nga Komisioneri Celibashi, për 3 çështje. Pjesa e tretë e marrëveshjes, plotëson një kërkesë të opozitës, që është numërimi i votave nga diaspora po nga komisionerë politikë, kur ligji aktual lejonte numërimin e tyre nga KQZ.

Vlefshmëria e kartave të skaduara ID pritet të zgjidhet nga qeveria me akt normativ, pasi nuk realizohet me Kod Zgjedhor.

KQZ raporton se mijëra votues nga jashtë janë refuzuar, edhe pse kanë aplikuar disa herë, pasi nuk kanë provuar si duhet adresën e qëndrimit. Ky është gabimi më i shpeshtë i bërë nga zgjedhësit në Itali, që fotografojnë faqen e parë të dokumentit identifikues italian, dhe jo faqen e dytë, që përmban edhe adresën.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Politikani gjerman i surprizon të gjithë, taktikë për të marrë votat e shqiptarëve: Kam vendosur të mësoj shqip! BILD: S'ka ndodhur kurrë më parë

Politikani gjerman i surprizon të gjithë, taktikë për të marrë votat e shqiptarëve: Kam vendosur të mësoj shqip! BILD: S'ka ndodhur kurrë më parë

21 Janar, 23:01