POP 5

Lajmet më të lexuara të 5 minutave të fundit

Bota

Mbretëresha Elisabeth: Covid-19 është si murtaja. Vaksinohuni, mendoni për të tjerët! (VIDEO)

Në përpjekje për të bindur qytetarët britanikë të vaksinohen, mbretëresha Elisabeth u ka bërë thirrje të gjithë qytetarëve të bashkohen për të luftuar atë që sipas saj është një murtajë që ka goditur njerëzimin. Ajo u ka bërë thirrje të gjithëve të mendojnë edhe për të tjerët kur të vaksinohen. 

Koronavirus është një murtajë e cila ka pushtuar gjithë globin, e ka konsideruar kështu mbretëresha britanike, pandeminë e cila prej më shumë se një viti ka infektuar më shumë se 113 milion persona dhe u ka marrë jetën të paktën 2,508,000 të tjerëve. 

Për këtë arsye nëpërmjet një videomesazhi ajo ka nxitur publikun të "mendojë për njerëzit e tjerë" dhe të marrin vaksinat antiCovid kur atyre u ofrohet një e tillë.

Në një videomesazh me ekspertët shëndetësorë që shpërndanin vaksinën Covid në të gjithë Mbretërinë e Bashkuar, Mbretëresha u pyet për vaksinimin dhe si ishte ndier pas saj.  

"Sapo të keni bërë vaksinën, keni një ndjenjë, se jeni të mbrojtur, gjë që mendoj se është shumë e rëndësishme. Por në anën tjetër mendoj se është padyshim e vështirë për njerëzit të cilët nuk duan të vaksinohen kurrë… ata duhet të mendojnë edhe për njerëzit e tjerë sesa për veten e tyre. Unë mendoj se është e jashtëzakonshme sa shpejt është bërë e gjithë dhe kështu shumë njerëz e kanë bërë vaksinën. ”

Monarkia 94 vjeçare dhe Duka i Edinburgut, 99 vjeç, morën dozat e para të vaksinës në Janar. E pyetur nëse kishte ndjerë dhimbje ajo buzëqeshi dhe tha se ishte një gjë tejet e lehtë dhe pa pasoja.  Mbretëresha foli gjatë një komunikimi me video WebEx me përgjegjës të lartë që drejtuan vendosjen e vaksinimit Covid-19 në të gjithë Anglinë, Skocinë, Uellsin dhe Irlandën e Veriut dhe i falenderoi ata për shpejtësinë e procesit dhe mënyrën si ka ecur çdo gjë. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • anglez: 26/02/2021 20:22

    po kete dinosauren si nuk e mblodhi COVID?

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58