POP 5

Lajmet më të lexuara të 5 minutave të fundit

Kosova & Rajoni

COVID-19 në Kosovë, 215 raste të reja dhe 4 viktima janë shënuar gjatë 24 orëve të fundit

Gjatë 24 orët e fundit në Kosovë janë shënuar 215 raste të reja pozitive me koronavirus dhe 4 viktima.

COVID-19 në Kosovë, 215 raste të reja dhe 4 viktima janë shënuar gjatë 24 orëve të fundit

Foto ilustruese

KOSOVA- Gjatë 24 orët e fundit në Kosovë janë shënuar 215 raste të reja pozitive me koronavirus dhe 4 viktima.

Në krahasim me ditën e djeshme numri i infektimeve ashtu edhe numri i viktimave nga koronavirusi ka pësuar ulje, pasi dje janë shënuar 270 raste dhe 7 vdekje si pasojë e virusit.

Numri i pacientëve të shëruar  është 428, një shifër e cila ka kaluar përsëri atë të infektimeve gjatë 24 orët e fundit.

Sipas ISHPK, rastet pozitive janë nga komunat: Prishtinë 117 raste, Ferizaj 13 raste, Gjilan 11 raste, Prizren 10 raste, Lipjan 9 raste, Mitrovicë 9 raste, Obiliq 7 raste, Fushë-Kosovë 6 raste, Pejë 4 raste, Gjakovë 3 raste, Podujevë 3 raste, Skenderaj 3 raste, Suharekë 3 raste, Viti 3 raste, Vushtrri 3 raste, Drenas 2 raste, Kamenicë 2 raste dhe me nga 1 rast komunat: Deçan, Hani i Elezit, Istog, Klinë, Malishevë, Novobërdë dhe Shtime.

Numri total i rasteve pozitive ka arritur 50.620, ndërkohë që numri i viktimave është 1.309 nga koronavirusit në të gjithë vendin që nga fillimi i pandemisë, duke përfshirë edhe përditësimet e ditës së sotme.

Qeveria kosovare në kuadër të festave të fundvitit ka ndërmarrë masa të reja anti-COVID, me qëllim shmangien e rritjes së numrit të infektimeve. Deri në këto momente duket sikur Kosova, ka arritur një stabilitet për sa i përket situatës epidemiologjike në vend.

Ndërkohë që ditën e sotme ka nisur vaksinimi i qytetarëve në Evropë, vaksina anti-COVID në Kosovë do të mbërrijë në pranverë të 2021. Megjithatë Serbia ka nisur vaksinimin e qytetarëve në veri të Kosovës, ku në fokus ka pasur moshën e tretë, të cilët janë edhe më të rrezikuarit ndaj virusit.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03