Tanya ka dalë vullnetare për të ndihmuar të sëmurët me Covid -19 në spitalet e Indisë, aty ku situata është dramatike. Bashkë me të, janë shokët dhe miqtë e saj. Kanë lënë shtëpitë, familje dhe po u përkushtohen të sëmurëve
“ Situata aktuale në Indi është e papërshkrueshme. Spitalet në të gjithë vendin po punojnë më shumë se kapacitetet e tyre, janë të tej mbushur. Jo vetëm për pacientët të cilët pranohen në spitale, por edhe me mijëra të cilët presin në ambiente jashtë spitalit. Spitalet janë në gjendje të mjerueshme njëjtë si pacientët pasi pothuajse të gjitha burimet mjekësore po mbarojnë, si oksigjeni, plazma apo mjete të tjera të nevojshme për të shpëtuar jetët e pacientëve. Mbi të gjitha presioni mbi ekipin mjekësor është shumë i madh dhe ata po punojnë pa pushim” rrëfen për Report TV indiania vullnetare Tanya Dhawan Timpany
Çdo orë që kalon në Indi është tragjike. Duhet ndihmë, thotë Tanya në të gjitha drejtimet.
“ Jetoj në Ishaka Patnam dhe së bashku me disa miq të mi kemi bërë të pamundurën për të ndihmuar njerëzit në qytetet duke u ofruar tyre informacionin që kanë nevojë. Informacionet për situatën në spitale, për krevate të lirë, për oksigjen apo për plazmë dhe në raste të nevojshme edhe gjetjen e dhuruesve të saj. Kërkojmë dhe gjejmë vendet ku ata mund të konsumojnë vaktet e tyre apo të kalojnë natën. Ne marrin, procesojmë, verifikojmë dhe më pas shpërndajmë informacion të saktë për kërkesat e pafundme që na vijnë çdo minutë. Ne gjithashtu sigurojmë marrjen e pacientëve me ambulancë, interesohemi për arritjen e tyre në spitale, nëse kanë arritur të sigurojnë një krevat. Me këtë ne vërtetuam se edhe një informacion sado i vogël mund të shpëtojë jetë”, tregon Tanya
Ndihma më e madhe për këta vullnetarë ka qenë interneti. Përmes tij marrin informacion afrojnë ndihmën atje ku ka nevojë. Në Indi vaksinimi nuk po funksion në ritmet e duhur. Pjesa më e rrezikuar e popullsisë është ende e pambrojtur.
“Edhe pse jemi prodhuesi kryesor i vaksinave në botë, ne po përballemi me vështirësi dhe mungesa të tyre”, tha ajo.
India është shteti i dytë më i madh në botë sa i përket popullsisë, me qytete të mbi populluara, duke e bërë më të lehtë përhapjen e COVID. Vendi ka rregjistruar më shumë se 20 milion të infektuar, me më shumë se 355,000 raste ditën e sotme. Deri më tani më shumë se 222,000 viktima por ekspertët thonë se numri i të vdekurve është shumë herë më i lartë.
Lajme të tjera
-
Cilat vende e kanë ndaluar TikTok-un dhe pse?
20 Nëntor, 22:33 -
Itali/ Vrau me thikë fqinjen 18-vjeçare, arrestohet 19-vjeçari nga India! Ja ngjarja
26 Tetor, 18:44 -
Presidenti rus Putin pret samitin e zgjeruar të BRICS
22 Tetor, 18:52 -
Më 2 dhe 3 tetor, organizohet në Shqipëri Mini Festivali i Indisë! Do çelet ekspozita 'Odisea e Arkitekturës së Indisë'
2 Tetor, 10:07 -
Financial Times: Rusia kanal të fshehtë tregtar me Indinë, pavarësisht paralajmërimeve të SHBA
5 Shtator, 13:37 -
Indi/ 63 të vdekur, dhjetëra të plagosur nga rrëshqitjet e dheut
30 Korrik, 12:43 -
Zyrtare/ Armando Sadiku ndryshon skuadrën e 15-të në karrierë
20 Korrik, 08:38 -
Kim Kardashian shkëlqen në dasmën e çiftit më të pasur në Indi
15 Korrik, 13:46 -
Indi/ Mbi 120 të vdekur në një tubim fetar
3 Korrik, 16:18 -
Narendra Modi betohet si kryeministër i Indisë për herë të tretë
9 Qershor, 17:37 -
Mbi 50 viktima nga vapa ekstreme në Indi
3 Qershor, 13:29 -
Qeveria hedh për konsultim projektvendimin, 32 milionë euro për fortifikimin dhe menaxhimin e kufirit në dy vite
31 Maj, 22:27
