Ndalimi i qarkullimit të automjeteve për shkak të pandemisë COVID-19 duket se ka ndikuar pozitivish në shitjen e biçikletave. Qytetarët në këtë periudhë kanë nxjerr biçikletat e vjetra, i kanë çuar për të riparuar, por ka pasur dhe nga ata që kanë blerë biçikleta të reja. Sigurisht e gjithë kjo është përkthyer në fitime për shitësit e biçikletave.
Tregu i biçikletave te pazari i ri në kryeqytet gumëzhinte nga zërat e atyre që ishin në kërkim të biçikletave apo të riparimit të tyre.
Periudha e karantinës ka rritur fluksin në dyqanet e biçikletave, pasi qytetarët i kanë zgjedhur si një formë alternative lëvizjeje.
“Po fluksi është rritur më shumë. Vijnë edhe për të rregulluar edhe për të blerë. Kanë nxjerr biçikletat e vjetra dhe po i rregullojnë. Para pandemisë situata ka qenë normale, tani është fluksi më i rritur logjikisht. Çmimet janë po njësoj. Mbi 30-40 biçikleta janë riparuar”-u shpreh Ardian Ceti
Biçikleta është mjeti më i mire dhe praktik thonë përdoruesit e dy-rrotakëve.
“Kam vite të tëra që përdorë biçikletën në Tiranë edhe pse kam mjetin tim. Biçikleta është mjeti më i mirë dhe shumë praktik por njëkohësisht mban dhe veten në formë”-tha një qytetar
Muharrem Harizi ka 26 vite që riparon biçikleta. Kjo periudhë i ka shtuar punën por nuk kanë ndryshuar çmimet thotë ai.
“Ka pasur shumë kërkesa për biçikleta. Riparime bëjmë më shumë, pastaj ka dhe kërkesa për biçikleta, por dikush e do të mirë dikush e do të lire”.
Çdo kush që merret me biçikleta dhe si rrjedhojë e njeh këtë treg, padiskutim që njeh dhe Ylli Dervishin. Ai qëndron në tunelin e kësaj zone prej 10 vitesh. 70-vjeçari vazhdon të riparojë çdo ditë biçikletat. Ndonëse puna i është shtuar më shumë atyre që i shesin, përsëri është i kënaqur me aq sa fiton.
“Unë kam 10 vjet që punoj në këtë vend, unë këtu flej, këtu punoj, këtu haj, këtu pi. Me këtë situatë u hap më tepër tregu i biçikletave, se janë bllokuar makinat, mjetet lëvizëse kështu që detyrimisht ka kaluar populli te biçikleta. Mund të kenë pasur më shumë punë ata që kanë shitur biçikleta jo unë që riparoj. Unë pres, ata që i kanë marrë do vijnë ti riparojnë, unë pres, atëherë haj bukë unë. Unë nuk pres që të haj bukë sot që kanë shit të reja, të bukura, në gjendje të mirë, me një fjalë pa bukë nuk ngelem prapë se prapë”-u shpreh Ylli Dervishi
Duke kaluar nga një dyqan tek tjetri, hasëm dhe Shkëlqim Jaopllari, çiklist në vitet 80, i cili shprehet se biçikletën e përdor prej vitesh edhe për të dale jashtë Tiranë.
“Unë kam qen nja 5 vjet me Partizanin, në vitet 80-85. Biçikleta shërben për ta shfrytëzuar ne, që të mos lodhemi, të mbarojmë punë. Në këto kohë që kanë ardhur tani, me korsit që janë bërë ,biçikletat janë shumë të domosdoshme. Unë kam nja dy shok që kanë dyqane, kanë pasur shumë shitje biçikletash. Brenda këtij muaji, ky shoku im mund të ketë shitur mbi 200 biçikleta”-tha Shkëlqim Jaopllari.
Në rrugët e kryeqytetit janë shtuar korsit e dedikuara për biçikletat. Së fundmi është shtuar dhe kjo korsi në rrugën Myslym Shyri. Gjatë periudhës së karantinës, përdorimi më i tepërt i biçikletave duket se ka ndikuar pozitivisht dhe në uljen e ndotjes së ajrit.
Komente
Lajme të tjera
-
Bike Boys
5 Janar 2021, 15:02
-
Korsitë e biçikletave në Tiranë, projekti i studios holandeze parashikoi 52 km, Bashkia: Kemi ndërtuar 33 km korsi deri tani
6 Dhjetor 2020, 17:09
Kurse mua me kujton gomarin qe I ke pas hip ti para se te zbuloje qytetin.
Përgjigjubicikleta, mjet i urryer, kujton enverin dhe lal erin.
Përgjigju