COVID-19 solli pastrimin e ajrit, Klosi: Shenjë e mirë për të forcuar politikat e mjedisit (VIDEO)

Pas paralizimit të aktiviteteve në të gjithë botën nga COVID-19, efekti që solli me vete ishte edhe pastrimi i ajrit dhe kjo u vu re edhe në Shqipëri. I pyetur nga Report Tv nëse po shikohet mundësia për krijimin e  një strategjie për ta mbajtur në këtë kushte nivelin e pastrimit të ajrit, ministri i Turizmit dhe Mjedisit, Blendi Klosi tha se kjo ishte një gjë e mirë për natyrën dhe e vetmja gjë pozitive që ky virus solli me vete. Klosi tha se pas kësaj situate shpreson që vendi të adaptojë rregulla më të forta në mbrojtje të natyrës.

"Debate për mjedisin është historik dhe kjo situatë po e kthen shumë vëmendjen nga mjedisi. Ka shumë arsye po arsyeja kryesore është prishja e ekuilibrave të natyrës dhe ngrohjes globale. Ndoshta dhe kjo që ndodhi solli një të mirë për natyrën. Shpresoj që ne të fillojmë rregulla më të forta në lidhje me mjedisin dhe se hapja e negociatave me BE do të sjelle dhe bashkëpunime më të forta me organizatat ndërkombëtare që mbrojnë mjedisin", tha Klosi.

Lajmi kryesor:

Klosi për Report Tv: Sezoni veror do të shpëtojë, gati plani për distancimin në plazh. Në qershor rifillojnë fluturimet! Hotelierët shqiptarë janë luanë (VIDEO)

/b.ha./Shqiptarja.com

TAG:
• turizmi
• blendi klosi
• koronavirusi ne shqiperi