POP 5

Lajmet më të lexuara të 5 minutave të fundit

Kosova & Rajoni

COVID-19, Thaçi shpall gjendjen e jashtëzakonshme në Kosovë mes polemikave

Qeveria e quajti këtë gjë masë ekstreme dhe të panevojshme.

COVID-19, Thaçi shpall gjendjen e jashtëzakonshme në Kosovë mes polemikave

Presidenti i Kosovës, Hashim Thaçi nënshkroi dekretin për gjendje të jashtëzakonshme, rreth gjendjes së krijuar nga koronavirusi.

“Bazuar në detyrat e mia kushtetuese si President, pas takimit të sntëm me Këshillin e Sigurimit të Kosovës, kam nënshkruar një dekret për të shpallur gjendjen e jashtëzakonshme në mes të situatës së krijuar nga shpërthimi i COVID19”, ka shkruar Thaçi në “Twitter”.

Propozimin për gjendje të jashtëzakonshme Thaçi e dha të martën mbrëma, gjatë një konference pas takimit të Këshillit të Sigurisë Kombëtare. Megjithatë, Qeveria, gjatë një konference pas asaj të Thaçit, e quajti këtë gjë masë ekstreme dhe të panevojshme.

Haki Abazi deklaroi se Qeveria në këto rrethana nuk e sheh të arsyeshme shpalljen e gjendjes së jashtëzakonshme dhe se tashmë është në duart e deputetëve të Kuvendit të Kosovës.

Kundër vendimit të Thaçit doli edhe zëvendësministri i Punëve të Brendshme, Xhelal Svecla.

“Para se të shpallej gjendje e jashtëzakonshme do të duhej të vlersohej se sa janë shfrytëzuar kapacitetet aktuale në kuadër të situatës aktuale, gjendjes së emergjences shëndetësore. Se pari ende nuk jane mobilizuar kapacitet maksimale të institucioneve civile, si kthimi i orarit 12 orësh për policinë e Kosovës, praktikë më se e zakonshme në rastet më se të zakonshme si zgjedhjet apo datat specifike. Ky hap do të dyfishonte pjesëmarrjen e policisë në aktivitete. Edhe ashtu nuk ka ndonjë shqetësim serioz për mungesë sigurie, para së gjthash falë sjelljes së përgjegjshme të qytetarëve tanë”,  tha Svecla.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 18/03/2020 10:21

    Është shumë interesante kjo se si thaqi vallzon kur vuqiqi luan piano!

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58