POP 5

Lajmet më të lexuara të 5 minutave të fundit

Shëndeti

COVID-19, ulet në 5 ditë karantina, rekomandohet doza e tretë e vaksinës 5 muaj pasi është bërë e dyta

Komiteti Teknik i Ekspertëve ka vendosur të ulë karantinën për të infektuarit me COVID-19 ku nga 7 ditë që ishte të shkojë në 5 ditë. Gjithashtu doza e tretë përforcuese e vaksinës anti-Covid mundtë bëhet pas 5 muajsh pas kryerjes së dozës së dytë dhe jo 6 nga sa ishte më herët.

COVID-19, ulet në 5 ditë karantina, rekomandohet doza e tretë e vaksinës 5 muaj pasi është bërë e dyta

Komiteti Teknik e Ekspertëve

Komiteti Teknik i Ekspertëve ka vendosur të ulë karantinën për të infektuarit me COVID-19 ku nga 7 ditë që ishte të shkojë në 5 ditë. Gjithashtu doza e tretë përforcuese e vaksinës anti-Covid mundtë bëhet pas 5 muajsh pas kryerjes së dozës së dytë dhe jo 6 nga sa ishte më herët.

Lajmi u dha nga Ministrja e Shëndetësisë, Ogerta Manastirliu, e cila shtoi se në lidhje me lehtësimin e masave anti-COVID do të varet nga dinamika e situatës në vijim ku pritet të ketë një ndryshim të tyre në fillim të muajit mars.

"Ekspertët e Komitetit Teknik rekomanduan për vlerësim nga Komiteti i Vaksinimit, reduktimin e periudhës së vaksinimit me dozën e tretë përforcuese, nga 6 muaj që është aktualisht, në 5 muaj pas dozës së dytë. Komiteti vendosi të reduktojë kohën e izolimit për të prekurit nga Covid-19 në 5 ditë, sipas Udhëzimeve të Institutit të Shëndetit Publik.

Duke theksuar rëndësinë e vaksinimit me dozën përforcuese, rritjen e mbulesës vaksinale për popullatën si dhe duke vlerësuar në dinamikë incidencën e rasteve të reja ditore dhe situatën në spitale, ekspertët e Komitetit Teknik do të ri-vlerësojnë në vijim masat anticovid.", shkruan Manastirliu.

Masat anti-COVID që janë në fuqi:

-​Ora policore vijon me orën 23:00 – 06:00. 

-​Vijon që qytetarët që hyjnë në Republikën e Shqipërisë, nga të gjitha pikat kufitare apo ata që kalojnë tranzit, duhet të vijojnë të dorëzojnë një nga dokumentet e mëposhtme:

•​Pasaportë vaksinimi, ku data e vaksinës së fundit të ketë të paktën dy javë e aplikuar nga data e hyrjes në kufi.

•​Test PCR, të kryer brenda 72 orëve ose testin e shpejtë antigenic brenda 48 orëve të hyrjes në kufi.

•​Provë të kalimit të infeksionit Sars-Cov-2 të vlefshme deri në 6 muaj pas shërimit.

•​Përjashtim nga rregullat e përcaktuara në pikën 2, bëhet për fëmijët deri në moshën 6 vjeç.

•​Qytetarët rezidentë të Republikës së Shqipërisë dhe që nuk kanë asnjë nga dokumentet e përmendura në pikën 1, duhet të vetë izolohen për një periudhë 5 ditore dhe të informojnë autoritetet shëndetësore për të kryer një test në fund të periudhës së izolimit.

-​Vijon të mbetet në fuqi urdhri  për përdorimin e maskave në ambiente të mbyllura, në qendra tregtare, supermarkete, dyqane etj, e në të gjithë ato vende ku nuk sigurohet distancimi fizik.

-​Vijon të mbetet në fuqi urdhri për lejimin e grumbullimeve deri në 50 persona dhe të aktiviteteve kulturore, sportive etj deri në 30% të kapaciteteve të tyre me prezencë të spektatorëve.

I.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ooo: 23/02/2022 15:01

    Ora policore ende? Ca shtet nul mor, o ekspertet e qoftes pershtatuni realitetit o te mjerr!

    Përgjigju
  • Tana: 23/02/2022 13:11

    Mundet ne kete pike dikush te jape nje arsye logjike per ekzistencen dhe vazhdimin e ores policore? Apo: "Nuk ka asgje me permanente se nje program i perkohshem qeveritar" - Milton Friedman

    Përgjigju
  • Anita: 23/02/2022 11:17

    Perse nuk sqarojne se kur behet dozae trete mbasi ke kalua kovidin

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35