COVID-19/ Von der Leyen: Për herë të parë në histori, plan për rimëkëmbjen e ekonomisë financuar nga BE

Presidentja e Komisionit Europian, Ursula von der Leyen ka folur mbi pandeminë COVID-19, ku ka theksuar se varianti i ri Omicron do të bëhet dominues në të gjithë Europën, por theksoi se vendet e unionit kanë përparuar në përballjen me koronavirusin.

Sipas Von der Leyen për herë të parë në histori është krijuar një plan rimëkëmbje i financuar nga BE, për të ndihmuar çdo shtet anëtar të rimëkëmbet nga kriza dhe të riformojë ekonominë e tij.

“Në dy vitet e fundit Evropa ka bërë një hap të ri përpara, duke zhvilluar përgjigjen e saj ndaj pandemisë. Për herë të parë në historinë tonë ne kemi bashkuar forcat për të prodhuar dhe blerë vaksina për të gjithë evropianët. Falë kësaj zgjedhjeje sot kemi të gjitha dozat e nevojshme për të përballuar valën e katërt të pandemisë.

LEXO EDHE:
BE miraton Planin e Rritjes për Ballkanin: Dy pagesa vjetore, në varësi të kushteve të përmbushura

Dhe për herë të parë në histori ne kemi krijuar një plan rimëkëmbjeje, të financuar nga Bashkimi Evropian, për të ndihmuar çdo shtet anëtar të rimëkëmbet nga kriza dhe të riformojë ekonominë e tij. Ne e quajtëm atë ‘Next GenerationEU’. Me këto dy vendime ne kemi hyrë tashmë në një fazë të re në historinë e Bashkimit”, tha presidentja e Komisionit Evropian, Ursula von der Leyen, gjatë fjalimit të saj hapës me rastin e 100 vjetorit të Universitetit Katolik, të Milanos.

SI.E./Shqiptarja.com

TAG:
• BE
• Ursula von der Leyen
• Koronavirus