Çuçi në Report Tv: Duhet të hapim edhe agroturizmin gjatë periudhës tranzitore...me protokolle strike (VIDEO)

Ministri i Bujqësisë dhe Zhvillimit Rural, Bledi Çuçi tha se agroturizmi është një nga pjesë e sektorit që është prekur, por se veç pagës së luftës, qeveria - tha ai - duhet të mendojë hapjen e tyre me protokolle të larta sigurie

Ministri tha se agrobiznesi është mbështetur nga 3-4 kontrata përmes IPARDI-t.

"Agroturizmi është një nga pjesët e sektorit që është prekur sepse ka munguar kërkesa nga publiku për të shkuar për shkak të karantinës dhe mbylljet. Dhe është një nga pjesët e sektorit që është prekur. Ne do shohim në tërësi dhe impaktin që ka sjellë situata në thirrje me agroturizmin për të parë me çfarë instrumentesh mund t'i ndihmojmë. Duke marrë parasysh që është një biznes familjar, jo shumë si zgjeruar sa i takon pjesëmarrjes në punësim, detyrimeve që ka ndaj të tjerëve, sa i takon punonjësve ata trajtohen dhe marrin pagën e luftë, por ne duhet të shohim më gjerë ndoshta për të menduar që deri në hapje të plotë të jetës në Shqipëri, duhet menduar që në periudhë tranzitore të fusim me protokolle strikte edhe pjesën e agroturizmit në mënyrë që të hyjnë në ciklin normal të veprimtarisë së tyre. Ajo pjesë e agroturizmit që e ka brenda ciklin e mbyllur të prodhimit të perimeve apo blegtorale ata kanë synuar ta shesin produktin jo brenda fermës së vet, por për të dalë për ta shitur që mos të mbetet i pa shitur. Duke qenë se kanë avantazhe se janë në një pjesë të madhe të rritura në mënyrë të shëndetshme dhe të kontrolluar", tha Çuçi.

Lajmi kryesor:

Çuçi për Report TV: 95% e produkteve në tregje janë shqiptare, në mars eksportet +20%, Italia rriti kërkesën për peshk! Të hapet agroturizmi me protokoll (VIDEO)

G.M./b.ha./Shqiptarja.com

TAG:
• Bledi Cuci
• bujqesia
• fruta dhe perime
• koronavirusi ne shqiperi