Çuçi: Ristrukturim të policisë kriminale në të gjithë vendin, sektorë të posaçëm në luftë me llojet më të rënda të krimeve

Ministri i Brendshëm, Bledi Çuçi ka ndarë sot bilancin e vitit 2022 në policinë e shtetit dhe pritshmëritë me vitit 2023. Çuçi u shpreh se do të ketë një ristrukturim në drejtoritë e policisë në të gjithë vendit. Ministri sqaroi se do të ketë sektorë të veçuar në luftën kundër krimit të organizuar.

Pra do të ketë një drejtori për trafikun e drogës, grupet e organizuara dhe për krimet e rënda.

“Kjo është një reformë që ka qenë gjithnjë e rekomanduar nga partnerët tanë. Por që më në fund gjatë 2022 ne arritëm të bëjmë hapin e parë. Policia kriminale, duke filluar nga ky vit do të merret me krime të posaçme. Pra do ndahen në kategori, pothuajse si në të gjitha vendet perëndimore. Këtë ndarje duhet ta bëjmë nga qendra. Gjatë 2023, do vijojmë shtrirjen e vertikalitetit edhe në vendet e tjera. Kemi ndarë një drejtori të veçante me narkotikët, një që do merret me grupet e organizuara dhe me krimet e rënda. Pra do jenë të ndara në departamente. Unë besoj që ky ristrukturim do i japë shtysë shumë të madhe dhe shumë shpejt do shohim pritshmëri të reja në luftën kundër trafikut njerëzor, bandave të strukturuara etj.”- tha Çuçi

LEXO EDHE:
Dy vite pa mandat, Avokati i Popullit mbetet peng i politikës! Asnjë iniciativë nga PS e PD, burime nga palët: Jo diskutim konkret

Lajmi kryesor:

‘2022-shi’ dhe projektet e këtij viti, Çuçi: Investime 7.6 herë më shumë për mbrojtjen nga sulmet kibernetike! Vetting për zyrtarët? Manja: Ka mekanizma për ta

G.MO/r.k./Shqiptarja.com

TAG:
• Tirane
• Bledi Cuci
• ULSI MANJA
• ministria e brendshme
• ministria e drejtesise