Çuçi: Veliaj ka mbështetjen absolute të grupit të PS! Ka sjellë ndryshim historik për Tiranën, të nderuar që e kemi zgjedhur

Kryetari i Grupit të Partisë Socialiste Bledi Çuçi ka vlerësuar kryetarin e bashkisë së Tiranës Erion Veliaj. Çuçi tha se Veliaj ka mbështetjen absolute nga grupi i PS dhe shtoi se nuk e bën pis asnjëlloj balte që hidhet ndaj tij, pasi kë bërë punë me vepra e jo me fjalë

'Erion Veliaj është kryetari i bashkisë me i suksesshëm që ka pasur Tirana dhe PS në këto vite. Transformimi historik i Tiranës është një realitet që nuk mund ta bëjë pis asnjëlloj balte që mund të hidhet mbi figurën e kryetarit. Ne jemi të nderuar që kemi zgjedhur nga gjiri i jonë apo nga pjesa jonë një kryetar bashkie që nderon jo vetëm Tiranë po përtej Shqipërisë, çdo socialist apo çdo tirons, me vepra dhe jo me fjalë. Çështjet e tjera janë çështje që lidhen me sektorët ligjzbatues. Grupi i PS i jep mbështetjen absolute Veliajt.'- tha Çuçi.

LEXO EDHE:
Vendimi i Kushtetueses për mandatin e Xhaçkës, PS: Nuk mund të imponojë votën e deputetëve! Do kërkojmë interpretimin e Komisionit të Venecias

Gazetarët: Edhe më i jashtëzakonshëm se Rama?

Çuçi: Jo në këto vite thashë... që kur qeverisim së bashku dhe në nivel qendror dhe lokal

Gazetarët: Ju nderon edhe më arrestimin e drejtorëve?

Çuçi: Nuk na nderon arrestimi i drejtorëve, por duhet të presim të mos nxitohemi të presim fjalën e fundit të drejtësisë.

Lajmi kryesor:

Vendimi i Kushtetueses për mandatin e Xhaçkës, PS: Nuk mund të imponojë votën e deputetëve! Do kërkojmë interpretimin e Komisionit të Venecias

M.Q./Shqiptarja.com

TAG:
• mandati i Xhaçkës
• PS
• Bledi Cuci
• Plarent Ndreca
• gjykata kushtetuese