Çuçi zbulon mënyrën e pazakontë si e mori vesh që u propozua nga Rama për ministër të Brendshëm! Soreca i dha lajmin

TIRANË- Ministri i ri i Brendshëm, Bledi Çuçi ka zbuluar se si e ka marrë vesh lajmin që është propozuar nga kryeministri Edi Rama për të zëvendësuar Sandër Lleshaj. Ai ka zbuluar se ka qenë së bashku në një aktivitet me ambasadorin e BE-së, Luigi Soreca, kur ky i fundit i ka treguar statusin në rrjetin social 'Twitter' të kreut të qeverisë.

“Është moment i veçantë dhe besoj se policia e shtetit por jo vetëm kanë një rol të rëndësishëm në proceset zgjedhore po për fat të mirë vitet e fundit. policia ka pasur vlerësime maksimale dhe kjo është lehtësim për mua. Edhe të gjendja civile është punuar mjaft mirë prandaj ndihem i qetë.

Nuk është çështje mos dëshire, por mos dijenie. Madje Lleshaj kur po e shpjegonte tha nuk kisha etje të madhe për këtë post. Po ishim bashkë me Soreca kur e morëm vesh, aty më tregoi tëitter dhe sigurisht ishte befasi por nuk asgjë të jashtëzakonshme. Befasia ishte se unë nuk e prisja jo se nuk jam i gatshëm për këtë detyrë apo të tjera, se për sa kohë jam pjesë e këtij ekipi qeverisës, por nga ana tjetër isha i fokusuar te projektet e bujqësisë dhe reagimi ishte ai që patë.

LEXO EDHE:
Kërkesa e opozitës për debat, Bardhi: Raportet flasin për shtim të trafikut të drogës! Çuçi: S'ka vend për mocion! Gjykatat janë shprehur

Në një ekip trajneri mund të ndërrojë pozicionet gjatë lojës . Unë jam atje , vullneti im është i plotë dhe jam i gatshëm të kryejë detyra publike, sigurisht përgjegjësia është e madhe. Por habia ishte vetëm se isha në projekte të më dha në bujqësi”, tha ai.

Do ndryshonte gjë po ta dinit?

“Jo, nëse unë do isha jashtë skuadrës mund të ishte dhe të kishte vend për t'u pyetur, por unë jam në ekip, jam në lojë dhe kjo gjë nuk përbën befasi në sensin si qëlloi që pa të thënë, unë e kam dhënë pëlqimin që kur kam hyrë në ekip”, tha ai në 'Open'.

Çuçi erdhi në këtë post, si pasojë e dorëheqjes së ministrit të Brendshëm, Sandër Lleshaj, pas vrasjes së të riut Klodian Rasha nga efektivi i policisë Nevaldo Hajdaraj. 

B.K./E.M./Shqiptarja.com

TAG:
• Bledi Cuci
• Sander Lleshaj
• vrasja e klodjan rashes
• Klodjan Rasha