Banorët e zonës së njohur si “kodra e hasianëve” në Shkallnur të Durrësit, protestuan këtë të premte për gjendjen e rrugës së vjetër ‘Tiranë-Durrës’ cila kalon në këtë zonë. Ky është një aks nacional në pronësi të ARRSH-së dhe banorët kërkojnë të merren masa pasi njëra prej këmbëve të mbikalimit përfundon brenda oborrit të shkollës 9-vjeçare "Hamza Muça". Po kështu mungesa e vijave të bardha dhe sinjalistikës për uljen e shpejtësisë, në këtë aks është bërë burim për aksidente, ku sipas banorëve, 6 muaj më parë makina ka përplasur për vdekje një fëmijë.
“Kemi 25-30 vite që jemi vendos këtu. Fëmijët kanë rrezikuar jetën duke kaluar mes rrugës se mbikalimi nuk funksionon. Një të afërmit tonë i kanë vdekur dy fëmijë. Para 6 muajsh ka vdekur në aksident një vajzë 10-vjeç. Kam shkuar tek shkolla dhe u kam thënë pse e keni lënë në këtë gjendje sepse mbikalimi jo vetëm është vendos ne vendin e gabuar por as nuk funksion. Në mëngjes fëmijët e kalojnë rrugën përmes makinave. Është e tmerrshme se këtu s’ka vija të bardha, s’ka tabela, s’ka asgjë”, tha një banor.
“Ne kërkojmë që të hapet një portë aty tek shkolla, që nxënësit të zbresin nga lagjia e të futen direkt në shkollë sepse mbikalimi nuk funksionon. Policia nuk merr asnjë masë. Makinat ecin me shpejtësi, sinjalistikë s’ka fare”, tha një tjetër banor.
Të vendosur në Shkallnur pas viteve ’90-të, banorët adresuan problematika dhe për bashkinëe Durrësit, siç është zgjerimi dhe asfaltimi i rrugëve lidhëse të fshatit, kanalizimet, ndriçimi e pastrimi.
“Ne jemi të ardhur nga Hasi. Asnjëherë s’ka vënë dorë shteti, as për rrugë as për ndriçim, as për pastrim. Kemi qenë tek Bashkia e Durrësit jemi ankuar dhe askush nuk reagon. Në brendësi të lagjes, rruget rurale i kemi hapur vetë por nuk shkëmbehen dy makina. Kërkojmë të zgjerohen e të asfaltohen rruget rurale”, thanë ata.
Protesta u mbështet nga Jola Hysaj, kandidate në listën e hapur të Partisë Demokratike në Durrës.
“Këtu nuk futen zjarrfikëset dhe as ambulancat. Këtu para 6 muajsh humbi jetën një fëmijë dhe asnjë masë nuk është marrë. Nuk ka siguri në rrugën nacionale. Banorët janë diskrimunuar se janë të ardhur nga Hasi dhe janë të djathtë”, u shpreh ajo.
Kjo është një ndër lagjet më të populluara të Shkallnuarit me afro 500 banorë, të cilat thanë se prej 30 vitesh nuk ka pasur asnjë investim në infrastrukturë.
Komente
Lajme të tjera
-
Skënder Minxhozi: Katastrofa paraelektorale e Sali Berishës
22 Mars, 20:11
-
‘S’ta dal dot as me fabrikë duhani mo!', Basha i kthen mesazhin e ‘dashurisë’ Ramës: Çyrbja ka fillu me fol, s’i mbushet mendja veç me cigare atij! Ku e ke Gjush akulloren? (VIDEO)
22 Mars, 19:50 -
‘Ose ky është bufi i bufave, ose kreu i tavolinës ku vidhen shqiptarët!’ Basha ironizon Ramën dhe prezanton kandidatët në Durrës: Janë të pakorruptuar, SPAK po bën performancë
22 Mars, 19:32 -
Protestë kundër tenderit për plazhet në Malin e Zi, mes qytetarëve edhe ish-kryeministri Abazoviç: Ulqini nuk është në shitje!
22 Mars, 18:29 -
Unaza Veriore e Kukësit, një investim i papërfunduar! Punimet u ndërprenë para 7 vitesh
22 Mars, 13:42 -
Beteja për ujin, banorët e Tragjasit sërish në protestë! Gati padia për dy bashki dhe institucionin në varësi të Ballukut!
22 Mars, 12:38
-
Aksidenti me vdekje në hyrje të Kukësit, banorët në protestë: Rruga kushtoi 1.5 milionë euro, nuk ka trotuare, ndriçim as kufizues shpejtësie
22 Mars, 11:29
-
Shanset e partive të vogla për mandate në zgjedhjet e 11 majit
22 Mars, 10:52
-
Kujtim Gjuzi: Berisha vuri 44 emra të 'Sorosit' në listat e kandidatëve për zgjedhjet e 11 majit
21 Mars, 21:15 -
Basha nga Kamza: Raporti i DASH konfirmon se korrupsioni pengon zhvillimin e Shqipërisë, më 11 maj nuk duam riciklim, por ndryshim të vërtetë
21 Mars, 20:13 -
Berisha justifikohet pasi kandidoi për deputet kushëririn e Elvis Roshit: S'është argument se ka lidhje gjaku, s’ka mëkat! Rama po keqpërdor ‘Lul Bravën’
21 Mars, 16:04 -
Presidenti Vuçiç: Serbia është lodhur nga ata që e terrorizojnë dhe duhet të përgjigjet
21 Mars, 15:30
