Alqi Bllako, i cili lajmëroi se do të dorëzojë nesër mandatin e deputetit, pas kërkesës së SPAK për ta ndaluar për aferën e inceneratorit të Fierit, për analistin Frrok Çupi është një i stërvitur nga Ilir Meta për të vjedhur. I ftuar në emisionin ‘Repolitix’ në Report Tv, Çupi tha se kemi të bëjmë me një proces, ku këta njerëz të korruptuar janë përgatitur nga dikush tjetër, dhe në rastin konkret ish-ministri i Mjedisit Lefter Koka dhe Alqi Bllako, për të vjedhur për shefat e mëdhenj. Sipas Çupit, mazhoranca ka kosto, pasi ka risjellë në politikë njerëz të tillë të korruptuar, ndërsa çështjen e quan politike.
‘Ky është një proces, këta njerëz të korruptuar janë njerëzit e dikujt. Shumica prej tyre janë punonjës të Ministrit të Mjedisit me një ministër që është krokodili i korrupsionit. Këtë njeri dhe ish-ministri i burgosur e ka stërvitur dikush tjetër që është presidenti i republikës tani dhe ka marrë dhe këtë deputetin tani dhe e ka bërë personalitet të madh në presidencë. Vet presidenca ka personalitet të larta që janë dënuar me burg dhe tjetërsim të pronës. Procesi është ky, që shefat e mëdhenj lëshojnë këto lepurushët e vegjël të vjedhin për to, e më pas vjedhin dhe këta. Po mazhoranca çfarë deshi me këto? Ku e kanë vlerën? Po t’i shikosh dhe nga portreti këto janë njerëz që dëshmojnë nxitim për të vjedhur. Padyshim që PS ka kosto dhe nëse nuk e riparon dot, do të thotë që do kemi të bëjmë me një gjë që na ndjek. Për mua mbetet pikëpyetje përse risillen në politikë njerëz të tillë, atavizma të Ilir Metës. Pse sillen në politikë? Për mua është një korrupsion i madh, pasi janë zënë disa njerëz që kanë ardhur jashtë kësaj mazhorance. A do vazhdojë politika të rikthejë zhavorrin e palarë? Bllako është një tip që ka korruptuar babanë. I dërgonte babait, si rrogë paratë e vjedhura. E gjitha është proces, politika duhet të presë procesin e korrupsionit, por këtu kemi dështuar. E gjitha është një çështje politike.’- tha Çupi.
Nga ana tjetër, juristi Fabian Topollaj, u shpreh se mazhoranca është përgjegjsja kryesore, pasi rezulton se të gjithë personazhet e goditur nga SPAK, janë të lidhur me PS-në.
‘Mazhoranca është përgjegjësja kryesore. Personazhet e goditur nga SPAK janë personazhe të mazhorancës. Kjo ngjarje, kjo aferë është produkt i kësaj mazhorance. Personazhet e ngatërruara me këtë aferë janë personazhe te lidhura me mazhorancën. Kjo është një kosto e mazhorancës, ndërtimi stabilimentëve të tillë, duket sikur këto vepra janë ndërtuar për të ndarë paratë.’- u shpreh Topollaj.
Ndërsa avokati, Idajet Beqiri, deklaroi se Alqi Bllako i bënte aferat e vjedhjeve në favor të LSI-së.
‘Kostoja është e të gjithë shoqërisë. S’duhet ti politizojmë ngjarjet. Është produkt i LSI-së ai. E mori të gatshëm PS, të përgatitur, kishte kohë që ishte mësuar tek LSI duke vjedhur. Ato afera i bënte në favor të LSI-së.’- tha avokati Beqiri.
Komente
Lajme të tjera
-
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
'Repolitix'/ Zaloshnja dakord me mbylljen e TikTok dhe Snapchat: U krijua nga Kina për të krijuar kaos në perëndim! Sefa: Jam për vendosjen e filtrave
20 Nëntor, 21:50 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Zgjedhjet 2025/ PS ndryshime të drejtuesve politikë në qarqe, Blendi Gonxhja ikën nga Dibra vjen në Kombinat! Emri kush pritet ta zëvendësojë
20 Nëntor, 18:17 -
Frrok Çupi: Zor se këtë shekull mund ta kurojmë plagën e Martinit
20 Nëntor, 15:51
-
Përplasje te ‘Mandatet’/ Opozita kërkon heqjen e mandatit, Vullnet Sinaj: Shpifës, ke gëlltitur një lugë çorbë të prishur e do vjedhësh gjithë jetën! Bardhi: Ke futur duart në buxhet
20 Nëntor, 12:38 -
'Repolitix'/ A do lirohet Berisha? Idajet Beqiri: Nuk ka shans! Faik Basha: Gjykatat të kapura nga Sorosi! Dhuli: Do bjerë procedura dhe do ta lirojnë
19 Nëntor, 22:49 -
Vrasja e 14-vjeçarit/ Idajet Beqiri në 'Repolitix': Të dënohet dhe prindi për keqedukim! Kthupi: Shoqëri e dhunshme! Dhuli: Nxënësve sot do u gjesh hashash, thikë ose dorezë
19 Nëntor, 21:42 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09
Si ka.mundesi qe askush nuk ngre pyetjen perse Edi Rama i rekrutoi keta kriminele te korruptuar ne mandatin e trete? Ose kriminelet ordinere ne mandatin e pare? Sepse ata gjenerojne pushtet permes vjedhjes se votave ne favor te PS dhe dem te subjekteve te tjere. Ky eshte krim akoma me i rende. Por media ben shurdhin dhe flet per Berishen ujkun me proteze. Cfare degjenerimi.
Përgjigju