Reshjet e dendura të shiut të rëna gjatë dites së djeshme  dhe të sotme ka bërë që të fryhet lumi Drin në Bulqizë, duke  rrezikuar seriozisht argjinaturën mbrojtëse të Gjoricës së epërme dhe asaj të poshtme.

Banorët thanë se gjatë natës ka pasur rrëshkitje të inerteve në argjinaturë duke bërë që lumi t’i drejtohet fshatit Gjoricë ku rrezikon të përmbyten rreth 50 banesa.

Ata kërkojnë nderhyrje të menjëhershme për përforcimin e argjinaturës pasi uji mund të vërshojë drejt banesave nga moment në moment.

Kryetari i fshatit Gjoricë, Femi Leka, kërkoi ndihmën e institucioneve për të shmangur përmbytjen.

 Ndërkaq, në vendngjarje ishte edhe përfaqësuesi i Bashkisë Hekuran Cani, Drejtori i Emergjencave në Bashkinë e Bulqizës i cili tha se situata po monitorohet vazhdimisht, në mënyrë që të shmanget përmbytja.

 

Redaksia Online
J.Sh Shqiptarja.com