I arrestuari Ardian Bitraj pas arrestimit ka deklaruar se, vjedhjen e ka bërë me dy mënyra: E para ishte vjedhja nga kolitë e importit të kartëmonedhave të reja në lekë që vijnë nga fabrikat në Zvicër. Paratë visheshin dhe zëvendësoheshin me broshura dhe libra. Skema e dytë ishte vjedhja e parave të dëmtuara dhe të vjetra të cilat i nënshtroheshin procedurës së asgjësimin. Të dyja skemat e vjedhjes ishin vënë në zbatim në repartin e Emisionit të Monedhës që gjendet në Linzë, ku dhe Bitraj punonte që prej vitit 1993.