TIRANE - Disa media publikuan këtë pasdite lajmin se policia shoqëroi Petrit Çinarin, personin që deklaroi se një vit më parë është kontaktuar nga babai i kryeparlamentarit Ilir Meta për të vrarë Tom Doshit.

A1 Report ka kontaktuar vetë me Çinarin i cili e ka mohuar një fakt të tillë duke deklaruar se ndodhet në shtëpi. Edhe burime nga Policia e Tiranës thanë për A1 Report se nuk ka pasur shoqërim të tij.

Më 10 Mars deputeti Doshi shkroi në faqen e tij në Facebook se kish mësuar se në prokurorinë e krimeve të rënda ishte paraqitur një ish oficer policie me emrin Petrit Çinari për të denoncuar një tjetër plan vrasje ndaj Tom Doshit.

 E përditshmja Shqiptarja.com (print) zbuloi para disa ditësh kartelen mjekesore te Cinarit, ku rezulton që është me probleme mendore. 

Redaksia Online
(Gre.M/Shqiptarja.com)