POP 5

Lajmet më të lexuara të 5 minutave të fundit

Kosova & Rajoni

Daçiç e Thaçi, 220 orë negociata për
marrëdhëniet Beograd-Prishtinë

Ivica Daçiç dhe Hashim Thaçi kanë negociuar për rreth 220 orë rreth normalizimit të marrëdhënieve mes Beogradit dhe Prishtinës. Ata thanë në Mynih të Dielën që “janë të gatshëm të vazhdojnë dialogun për normalizim të marrëdhënieve”.
MYNIH- Ivica Daçiç dhe Hashim Thaçi kanë negociuar për rreth 220 orë rreth normalizimit të marrëdhënieve mes Beogradit dhe Prishtinës.
Ata thanë në Mynih të Dielën që “janë të gatshëm të vazhdojnë dialogun për normalizim të marrëdhënieve”. 
 
Të dy kryeministrat thanë se janë të gatshëm “t’i ofrojnë serbëve dhe shqiptarëve paqe dhe prosperitet".

Kryeministri serb dhe homologu i tij kosovar ishin pjesë e një paneli diskutimesh të moderuar nga Përfaqësuesja e Bashkimit Europian, Catherine Ashton për “marrëdhëniet mes Serbisë dhe Kosovës”.
 
Ashton vuri në dukje se të dy kryeministrat kanë negociuar për 220 orë rreth normalizimit të marrëdhënieve me Beogradit dhe Prishtinës.

“Në zgjedhjet lokale pati pjesmarrje të lartë të serbëve të Kosovës. Ata duhet të votojnë për zgjedhjet parlamentare. Problemi qëndron se si t’i bindim serbët e pjesës veriore të Kosovës, që bashkëpunimi është në interesin e tyre”,-  tha Daçiç.
 
Zgjedhjet në Mitrovicë do të përsëriten në 23 Shkurt dhe Thaçi premtoi bashkëpunim të plotë për zgjidhjen e problemeve.
 
“Firmosja e marrëveshjeve për normalizimin e marrëdhënieve në Prill 2013, do të thotë se të dy shtetet tona janë çliruar nga e shkuara dhe tani situata është më mirë se një vit e gjysmë më parë”.
 
Statusi politik i Kosovës është zgjidhur. Kosova është një shtet i pavarur dhe ky është një proces i pakthyeshëm. Normalizimi i marrëdhënies është në të mirën e të gjithëve ne”,-  tha Thaçi.
 
“Në takimin tonë të parë, pyetja ishte nëse ne do të takoheshim me njëri-tjetrin apo jo dhe tani askush nuk na pyet më për këtë gjë.”,- shtoi Daçiç.
Debati për të ardhmen e Kosovës u cilësua si shembull diplomacie.
 
Redaksia Online
(b.g/shqiptarja.com)
 

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze