Në forume e portale të ndryshme, sa herë që flitet për Dafinën, veç fjalëve të mira ka edhe komente negative, por kjo nuk mund të thuhet për rrjetet sociale që i menaxhon vet ajo, e sidomos për rrjetin Instagram.
Fotografitë që Daffy çdo ditë i publikon në Instagram marrin vetëm komplimente dhe aty nuk mund të hasësh asnjë koment kritikues. Kjo për faktin se me gjasë, këngëtarja është shumë e kujdesshme për të “eliminuar” komente në disafavor të saj, -shkruhet në sajtet e mediave kosovare për Dafinën.
Në dy fotografi të publikuara së fundmi, duket se Dafina është “ngacmuar paksa” nga ata që mendojnë se stili i saj nuk është origjinal por ato komente nuk mund t'i shohësh më. Ajo çfarë shihet janë disa kundërpërgjigje të zjarrta të fansave të saj drejtuar personit që ka komentuar dhe kritikuar këngëtaren.
Kjo nuk është hera e parë që ndodh një gjë e tillë , pasi shpeshherë në fotografi të ndryshme mund të shohësh kundërpërgjigje të fansave besnik të këngëtares, por jo edhe komentet negative ndaj saj.
(J.H/shqiptarja.com)