POP 5

Lajmet më të lexuara të 5 minutave të fundit

Sport

Daja: Partizanin e penalizoi dëshira për fitore për tre pikët! Duro: Jam i lumtur, Laçi e dominoi sfidën (VIDEO)

Te Partizani pika e fituar kundër Laçit nuk i ka lënë të gëzuar. Trajneri i të kuqve Ilir Daja thotë se dëshira për të fituar ishte penalizuese në këtë rast, ndërsa në kampin kundërshtar janë të lumtur me rezultatin.

Partizani u ndal dje në një barazim 1-1 me Laçin, duke mos përfituar plotësisht nga humbja e Vllaznisë kryesuese me Tiranën. Pavarësisht kësaj të kuqtë e ngushtuan diferencën me 1 pikë, duke e çuar në 3. Në përfundim të ndeshjes me kurbinasit, trajneri i Partizanit Ilir Daja, deklaron se entuziazmi ndikoi për të mos marrë tre pikët.

Ilir Daja, trajner i Partizanit: “Në aspektin e motivimit, dëshirës, sakrificës për ta fituar këtë ndeshje ekipi ishte në nivelin e duhur. Madje ky lloj motivimi dhe dëshire për ta fituar ndeshjen ndikoi në prishjen e ekuilibrave. Që do të thotë nëse prishen ekulibrat do të ketë një harxhim më të madh të energjive.”

Për autorin e golit te Partizani, Erald Çinari, pasaktësia në sulm i kushtoi dy pikë të kuqve.

Erald Çinari, futbollist i Partizanit: “Besoj duhej të shfrytëzonim më shumë rastet që kishim dhe do të dilnim me tre pikë. Normalisht nuk jemi të kënaqur pasi duhej të merrnim maksimumin e pikëve, por e rëndësishme është që nuk hëmbëm.”

Ndërkohë në kampin kundërshtar janë të lumtur me barazimin. Trajneri i Laçit Shpëtim Duro thotë se skuadra e tij e dominoi sfidën.

Shpëtim Duro, trajner i Laçit: “Jam i kënaqur me lojën, por edhe me rezultatin, sepse quhej ndeshje në transfertë. Në këtë aspekt i kemi marrë Partizanit 5 pikë. Edhe në lojë kemi qenë më mirë pavarësisht 10 minutave në pjesën e parë. Jam shumë shumë i kënaqur me skuadrën.”

Të mërkurën Partizani udhëton në Fier për javën e 22 të Superligës, ndërsa Laçi përballet me Kukësin.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Ylli Pata: Pse opozita nuk ka fituar pikë nga hetimet e SPAK?

Ylli Pata: Pse opozita nuk ka fituar pikë nga hetimet e SPAK?

26 Dhjetor, 19:48 nga Ylli Pata