Dajti: Jam gati të ballafaqohem me
Gashin për vrasjen e Duçkollarit

TIRANE-  Dritan Dajti sfidon sërish drejtësinë shqiptare duke pranuar se mund të vazhdojë gjykimin pa praninë e avokatit mbrojtës, por vetëm me një kusht: Për të zhbllokuar këtë proces Dajti kërkon një ballafaqim në seancë të hapur për mediat dhe publikun me Flamur Gashin .

Flamur Gashi është pyetur nga prokuroria në cilësinë e personit që ka dijeni për faktet dhe provat për të cilat gjykohet Dajti, si dhe gjatë operacionit për arrestimin e këtij të fundit sipas organit të akuzës Gashi ka qenë pjesë e skuadrës së policë që kishin detyrë arrestimin e të pandehurit.

Përpara se Dajti të merrte fjalën, kryesuesi i trupit gjykues, Idriz Milkurti lejoi për pak momente kamerat për të vazhduar më pas me dyer të mbyllura. Ai gjitjhashtu njoftoi të pandehurin se Gjykata e Lartë ka rrëzuar kërkesën e tij për përjashtimin e trupit gjykues.

Në seancë janë paraqitur avokatët Elton Shametaj dhe Arjan Kafazi të cilat kanë refuzuar të mbrojnë Dajtin. Më pas gjykata caktoi dy mbrojtës të rinj Fatjon Kostën dhe Fatlin Bardhin si dhe vendosi që gjyqi i radhës të zhvillohet më datën 24 korrik.

Vetë Dajti para se të largohej nga salla tha se “për vrasjen e Sajmir Duçkollarit nuk ka asnjë aktekspertizë, fakt, apo procesverbal që të vërtetoj se Duçkollari është vrarë nga një armë e përdorur prej meje.

Gjithashtu duke ju drejtuar Idriz Milkurit kryetarit të trupit gjykues, Dajti tha se ka ende për të folur qoftë dhe për lidhjet që Milkurti ka me ngjarjen e Tropojës vite më parë, ku mbetën të vrarë dy policëve në komisariatin e Tropojës kohë që përkon me funksionin e Milkuritit si gjykatës në atë rreth.

Ndërsa prokurori ka kërkuar nga gjykata që të bëhet kujdes me deklarimet që bën Dajti pasi këto ballafaqime janë bërë njëherë dhe asokohe janë vlerësuar nga gjykata si sekret dhe ky proces është bërë me dyer të mbyllura, por bërja publike në këto moment mund të dëmtonte personat e përfshirë dhe të lidhur me krimin ku mbetën të vrarë 4 policë.
(v.gj/shqiptarja.com)

TAG:
• dritan dajti