POP 5

Lajmet më të lexuara të 5 minutave të fundit

Kronikë

Dajti në gjyq: Duçkollari u vra
pas shpine nga kolegu i tij

Dritan Dajti jep versionin e tij  për vrasjen e ndodhur më 7 gusht 2009. Sipas Dajtit, Duçkollari është vrarë me breshëri automatiku nga Flamur Gashi, pjesë e grupit special në operacionin e arrestimit të tij.
Dajti në gjyq: Duçkollari u vra<br />pas shpine nga kolegu i tij
TIRANE-  Dritan Dajti jep versionin e tij për vrasjen e ndodhur më 7 gusht 2009. Siç pat deklaruar më parë se do të fliste pas zgjedhjeve, Dritan Dajti rrëfeu sot në sallën e gjyqit versionin e tij të vrasjes së 4 policëve gjatë operacionit për arrestimin e tij, 4 vjet më parë.

“Saimir Duçkollarin nuk e  kam vrarë unë, atë e ka vrarë me breshëri automatiku Flamur Gashi”.  Sipas Dajtit, Duçkollari ka qenë në fund të automjetit tip Tuareg dhe është qëlluar nga pas shpine. Një tjetër version ka prokuroria e cila thotë se Duçkollari është qëlluar sapo ka hapur derën e automjetit për të neutralizuar Dajtin i cili ishte person në kërkim dhe duhej të arrestohej.

Dajti hedh poshtë këtë version duke bërë kështu një akuzë të fortë për forcat e rendit, pasi sipas tij e vërteta e vetme është që Duçkollari është qëlluar nga kolegu i tij Flamur Gashi .

Në sallën e gjyqit, ishin dhe familjarë të policit të vrarë.

Seanca është mbyllur me largimin e Dajtit pasi mungonin avokatët mbrojtës. I pandehuri ka thënë se në seancën e radhës do të flasë për të vertetat në lidhje me Arjan Muçën, i cili në atë periudhë ishte pjesë e grupit special për arrestimin e Dajtit dhe sot drejton Zyrën e mbrojtjes së dëshmitarëve.

Redaksia online
(sg/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01