Dajti tenton të djegë qelinë
i vë flakën batanijes me çakmak

TIRANE - I burgosuri Dritan Dajti ka tentuar të djegë qelinë e paraburgimit ku po mbahet, duke i vënë flakën një batanije me çakmak.

Ngjarja ka ndodhur në mesnatë në qelinë e paraburgimit të burgut 313 ku Dajti i ka vënë flakën me çakmak një batanije për të djegur qelinë e tij. Menjëherë kanë ndërhyrë gardianët e burgut të cilët kanë bërë të mundur edhe shuarjen e zjarrit pa pasoja.

I arrestuari Dritan Dajti akuzohet për vrasjen e 4 oficerëve të policisë më 7 gusht të vitit 2009, ndërsa akoma nuk është shpallur fajtor për këto vrasje. 

DAJTI LETËR SQARUESE PËR RRETHANAT QË E ÇUAN DREJT KËTIJ AKTI

Dritan Dajti,nëpërmjet një letre ka treguar arsyet e tentativës për të djegur qelinë e burgut, duke i vënë flakën batanijes.
 
Dajti shprehet se e ka ndërmarrë këtë akt në shenjë proteste për transferimin nga burgu 302 në burgun 313.
 
“Qelinë e dogja në shenjë proteste, pas transferimit. Duan të më mbajnë në izolim. Ju kam bërë me dije oficerëve të policisë të burgut 313 që unë kërkoj të trajtohem njësoj si të burgosurit e tjerë, që mbahen në këtë istitucion”, shkruan ai në letër.
Dajti tregon në letrën e tij se punonjësit e burgut bënë gjithçka për t'i shpëtuar jetën
 
Në letrën reaguese, Dajti flet edhe për gjykatësin Milkurti, të cilin e akuzon se po përdor policinë e burgjeve ndaj tij. 

Po kësaj jave, Dritan Dajti lëshoi akuza të forta ndaj gjyqtarit të tij Idriz Milkurti të cilit i kërkoi të tërhiqet duke i bërë presion se vajza e gjyqtarit ka një lidhje me kunatin e tij.

LETRA E DAJTIT


Redaksia Online
(e.c/shqiptarja.com)

TAG:
• dritan dajti