Dalin datat se kur do të zhvillohen provimet e Maturës Shtetërore 2021

Dalin datat se kur do të zhvillohen provimet e Maturës Shtetërore 2021

Foto ilustruese

Ministria e Arsimit ka publikuar datat se kur do të zhvillohen Provimet e Maturës për vitin 2021, të cilat do të zhvillohen duke respektuar masat Anti-COVID.

Provimi i Gjuhës së huaj do të zhvillohet me datë 3 qershore, ndërsa provimi i Letërsisë do të zhvillohet me datë 7 qershor.

Për lëndën e Matematikës provimi është vendosur që të zhvillohet me datën 11 qershor dhe lënda me zgjedhje me datën 15 qershor.

Provimet do të zgjasin 2 orë e 30 minuta dhe do të nisin në orën 10:00.

Provimet e Maturës Shtetërore 2021 do të zhvillohen në qendrat e provimeve të përcaktuara nga Komisioni i Maturës Shtetërore në ZVAP, mbështetur në Rregulloren e Maturës Shtetërore.

Pak ditë më parë ministrja e Arsimit Evis Kushi së bashku me një përfaqësi nga parlamenti i nxënësve të zhvilluar online iu përgjigje edhe disa prej interesave të tyre lidhur me zhvillimin e provimeve të maturës.

Kushi tha se rezultatet do të shpallen brenda datës 30 qershor ndërsa diplomat do të shpërndahen deri më 15 korrik. Kushi gjithashtu shpjegoi dhe pragun e kalueshmërisë në këto provime e cila është 15 pikë nga 60 që ka testi.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Berisha do të pyetet për çështjen Gërdeci?



×

Lajmi i fundit

Kthjellim dhe temperatura në rënie, si parashikohet moti për sot

Kthjellim dhe temperatura në rënie, si parashikohet moti për sot