KOSOVË- Ekrem Rexhepi, Gent Rexhepi, Xhabir Salihu, Gentrit Jashari dhe Shkëlqim Kameri…këto janë 5 djemtë të cilët akuzohen se kanë abuzuar seksualisht me 11-vjeçaren në Prishtinë të Kosovës.
Fotot e tyre kanë nisur të postohen nga shumë persona në rrjetet sociale duke u cilësuar nga opinion publik si “monstra”, teksa sot në 2 kryeqytetet shqiptare, Prishtinë e Tiranë do të zhvillohen protesta që të kërkohet drejtësi në mënyrë që dhunuesit ta marrin ndëshkimin e merituar. Nga Sheshet e Prishtinës, Shkupit dhe Tiranës protestohet sot në “Mbrojtje për vajzat dhe gratë”.
Në Prishtinë, protestuesit janë përqendruar para kryeministrisë dhe Ministrisë së Shëndetësisë ku në shenjë revolte, kanë hedhur bojë të kuqe. Të pranishëm ishin edhe figura publike si Dafina Zeqiri dhe ish presidentja Atifete Jahjaga. Ndërsa protestuesit ishin kujdesur që të mbanin pankarta me mesazhe për t'i dhënë fund abuzimit seksual ndaj të miturve dhe grave.
Ndërkohë që në Tiranë, protesta u parashikua në orën 18:30 në sheshin “Nënë Tereza”, kurse në Shkup në orën 17:00.
SI ndodhi ngjarja?
Ngjarja raportohet të ketë ndodhur më 27 gusht nga ora 17:30 deri në orën 00:30. Dhunimi i vajzës së mitur ka nisur në parkun në lagjen “Arbëria” në Prishtinë, për të vazhduar në një vend tjetër të panjohur. Sipas dyshimeve të para, fillimisht tre të miturit, Gent Rexhepi, Xhabir Salihu, Gentrit Jashari, keqtrajtuan seksualisht vajzën e mitur, ndërsa më pas ka shkuar edhe 26-vjeçari Ekrem Rexhepi, të cilin e ka thirrur vëllai i tij Gent Rexhepi. Në një zonë, 26-vjeçari ndaloi makinën në një tjetër vend dhe kreu marrëdhënie seksuale me të miturën. Në dëshminë që ka dhënë vetë ajo në polici, ka treguar se ishte në park kur iu afruan 3 persona duke e ngacmuar me fjalë. Ndonëse pretendon se nuk i ka kthyer përgjigje dhe ka vijuar rrugën e saj, njëri i është afruar dhe e ka prekur.
E mitura është dërguar në një qendër strehimore, ndërsa raportohet se deri më tani dy persona, shtetas kosovarë janë arrestuar si autorë të dyshuar. Mësohet se Ekrem Rexhepi ka qenë i akuzuar për veprat penale “Vjedhja e rëndë”, “Vjedhja e pyllit” dhe “Dhuna në familje”.
Pasa kësaj ngjarjeje, Drejtori i Përgjithshëm i Policisë së Kosovës, Samedin Mehmeti ka dhënë dorëheqjen, teksa vendimi i tij është mirëpritur nga kryeministri Albin Kurti.
Kreu i Partisë së Lirisë, Ilir Meta ka përshëndetur protestën për 11-vjeçaren e abuzuar seksualisht në Prishtinë. Ai shkruan se ky akt i rëndë ka tronditur shoqërinë shqiptare. Meta ka shprehur mbështetjen e tij për të dhe familjen e saj.
‘Mbështes dhe solidarizohem plotësisht me protestën 'Solidaritet me Prishtinën' e thirrur sot në Tiranë, në ora 18:30, në sheshin "Nënë Tereza" për mbrojtjen nga dhuna patriarkale të vajzave, grave dhe nënave shqiptare.
Duke ju bashkuar kërkesës legjitime për ndëshkimin më shembullor të autorëve që dhunuan vogëlushen 11-vjeçare në Prishtinë, akt i rëndë që tronditi mbarë shoqërinë shqiptare, si dhe duke shprehur të gjithë mbështetjen time për të dhe familjen e saj, solidarizohem sot me thirrjen për të reaguar fuqimisht ndaj një krimi që nuk duhet të gjejë vend në shoqëritë tona’- shkruan Meta.
Në protestën për përdhunimin e 11-vjecares në Prishtinë, qytetarët ishin kujdesur që të bënin pankarta dhe të jepnin mesazhe nga më të ndryshmet për t’i dhënë fund dhunës seksuale ndaj të miturve. Një prej protestuesve kishte marrë qenin dhe i kishte vënë në qafë 2 pankarta, në të cilat shkruhej: “Bubi mos e lsho përdhunuesin, qkyje krejt!! S’di me shkru, as me lexu, kur m’thu jo, di me ngu!!”
Ditën e sotme, dhjetëra qytetarë kanë protestuar në Prishtinë kundër dhunimit të 11-vjeçares nga 5 persona. E pranishme ishte edhe ish-presidentja e vendit, Atifete Jahjaga bashkë me këngëtaren Dafina Zeqiri.
Në fotografitë e publikuara Jahjaga shkruan: “Dhuna nuk tolerohet dhe luftimi i saj është përgjegjësi e përbashkët shoqërore dhe institucionale. Këto raste duhet të na gjejnë më të bashkuar se kurrë! Të dashura vajza dhe gra, ne të gjithë jemi këtu për ju”.
Komente
Lajme të tjera
-
Kosova mbyll dy ndërmarrje publike serbe në veri
26 Dhjetor, 12:52 -
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52
Duhet edhe kundër Ballkanit të hapur të dilni se mjaft më me dokrra....
PërgjigjuFytyrat si serb i kane, femije te rritur nga prinder te felliqur qe i mesojne gjerat me te pista qe sa lindin se ka bo nona cun
Përgjigju