Dalin pamjet/ ‘Udhëtimi’ i fundit i Elenës 5-vjeçare, mamaja mostër e mori nga shtëpia për të çuar në vendin ku i mori jetën

Një orë e nëntë minuta zgjati rrugëtimi i fundit i 5-vjeçares Elena Del Pozzo, përpara se të vritej në mënyrë makabre nga vetë nëna e saj. Emisioni “Quarto Grado”, në Rete 4, ka publikuar pamjet e një kamere, në të cilat shihet Martina Patti e cila çoi vajzën në shtëpi me makinë dhe më pas ka dalë sërish me të pas 24 minutash.

Në pamjet e publikuara shihet 5-vjeçarja teksa nëna po shkonte për në shtëpi e ulur në sediljen e përparme. Ndërkohë, kur ato dolën sërish nga shtëpia, ku nëna e saj me sa duket po e çonte në vendin ku u vra, Elena ishte ulur në sediljen e pasme.

Kamera e sigurisë ka kapur momentin kur makina kalon për herë të tretë, por kësaj radhe 5-vjeçarja nuk është në makinë. 

5-vjeçarja u vra në shtëpi nga nëna e saj me thikë kuzhine me 15 qershor. Ka qenë presioni i hetuesve që e bënë nënën e saj Martina Patti të tregonte se ka qenë ajo autorja e krimit makabër. E reja ka rrëfyer para karabinierëve dhe prokurorëve se kishte vrarë vajzën e saj pasi ishte xheloze se vajza ishte e afërt me partneren e ish-bashkëshortit, më pas ajo inskenoi rrëmbimin për të mbuluar vrasjen.

Elena u gjet e varrosur  disa qindra metra larg shtëpisë ku jetonte gruaja me ish-partnerin dhe babanë e fëmijës, Alessandro Nicodemo Del Pozzo, 24 vjeç. Nga rezultatet e autopsisë dolën detaje që sqaruan më mirë kohën e krimit. Vdekja e fëmijës do të kishte ndodhur më shumë se një orë pas vaktit që fëmija kishte ngrënë në shkollë rreth orës 13. Nëna gjatë marrjes në pyetje konfirmoi se kishte vrarë vajzën e saj Elenën, 5 vjeçe, e vetme dhe në vendin ku u gjet trupi i fëmijës, në një fushë. 

Për të shikuar pamjet klikoni KËTU

 

 

SI.E./r.k./Shqiptarja.com

TAG:
• itali
• martina patti
• Elena Del Pozzo