POP 5

Lajmet më të lexuara të 5 minutave të fundit

Kronikë

Del ekspertiza/ Autobusi me gjimnazistë që u aksidentua në Qafë Thanë hyri në kthesë me 75 km/orë

Bazuar te informacionet nga grupi hetimor, autobusi ka qenë duke ecur me 75 km/ h në momentin që është futur në kthesën që u aksidentua, ndërkohë që në atë pjesë të segmentit shpejtësia e lejuar ishte 40 km/ h.

Autobusi me 40 gjimnazistë që u aksidentua mbrëmë në kthesat e Qafë Thanës ka qenë duke lëvizur mbi shpejtësinë e lejuar. Gazetari i Report Tv në Elbasan, Aldo Kozarja, shprehet se bazuar nga informacionet nga grupi hetimor, autobusi ka qenë duke ecur me 75 km/ h në momentin që është futur në kthesën që u aksidentua, ndërkohë që në atë pjesë të segmentit shpejtësia e lejuar ishte 40 km/ h.

Jo vetëm në kthesën që aksidentua, por edhe gjatë lëvizjes nga Pogradeci dhe deri në Qafë Thanë ku doli nga rruga, autobusi sipas të dhënave ka qenë me shpejtësi. Rezultatet për shpejtësinë kanë dalë nga analizimi i tahografit, pajisje e montuar në bordin e automjetit dhe shërben për matjen e shpejtësisë së lëvizjes së mjetit.

Ndërkohë që segmenti ku autobusi u përplas me bordurat metalike nuk ka sinjalistikë rrugore. Report Tv siguron pamjet e autobusit në momentin që është hequr, por edhe vendi të ngjarjes. Në pamje duken shenjat e gomave kur autobusi ka frenuar, por shoferi nuk ka arritur që ta mbajnë brenda korsisë duke u përplasur me bordurat (Shiko këtu).

Pamjet tregojnë shkatërrimin e bordurës metalike, ndërsa disa gurë kanë mbajtur autobusin larg humnerës, që ndodhej disa centimetra më tej (Shiko këtu). Nga hetimet paraprake, autobusi plotësonte kushtet teknike, ndërsa policia sqaroi mbrëmë se shkak për aksidentin ishte lagështia në rrugë dhe pakujdesia e shoferit. Nga aksidenti mbetën shtatë gjimnazistë të lënduar, por pas marrjes së mjekimit dolën nga spitali (Lexo këtu).

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

26 Dhjetor, 15:20