POP 5

Lajmet më të lexuara të 5 minutave të fundit

Bota

Damask/ Udhëheqësi i rebelëve al-Jolani: Izraeli nuk ka më justifikime për sulme në Siri

"Vendi ynë nuk do të tërhiqet zvarrë në një luftë të re," siguroi kreu i rebelëve sirianë në një fjalim nga Damasku të shtunën.
 

Damask/ Udhëheqësi i rebelëve al-Jolani: Izraeli nuk ka më justifikime për sulme në Siri

Abu Mohammad al-Jolani

SIRI - "Revolucioni në Siri ka triumfuar plotësisht, por ne nuk duhet të adoptojmë praktika hakmarrëse," shprehet udhëheqësi rebel Abu Mohammed al-Jolani , i cili foli në Damask pas rënies së regjimit të Bashar al-Asadit, si dhe për strategjinë e vendit të tij.

Siç raportohet nga Times of Israel , al-Golani, udhëheqësi i grupit rebel islamik sirian Hayat Tahrir al-Sham (HTS) tha se Izraeli nuk ka më "justifikime të tjera" për të kryer sulme ajrore në Siri.

Në një intervistë me një kanal televiziv sirian, ai foli për Izraelin për herë të parë që nga rënia e Asadit, duke thënë se sulmet e fundit të IDF në tokën siriane kanë kaluar "vijat e kuqe" dhe kanë çuar në një përshkallëzim të pajustifikuar në rajon. Gjatë një bombardimi të ri javën e kaluar, ushtria izraelite goditi më shumë se 350 objektiva në Siri për të hequr rezervat e armëve strategjike, duke parandaluar kështu që pajisjet e avancuara të regjimit të Asadit të binin në duart e armikut.

Pa përmendur në mënyrë specifike Izraelin, Al-Sharaa nënkupton se nën udhëheqjen e tij, Siria nuk do të sulmojë shtetin izraelit. Ai thotë se në këtë fazë Siria nuk do të tërhiqet në konflikte që mund të çojnë në shkatërrim të mëtejshëm, me rindërtimin dhe stabilitetin si prioritete kryesore.

Ai shton se prania e Iranit në Siri përbënte një rrezik të madh për vetë Sirinë, për vendet fqinje dhe për Gjirin.

"Ne ia dolëm t'i jepnim fund pranisë iraniane në Siri, por ne nuk jemi armiq të popullit iranian."

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    14 Dhjetor, 13:13

    Berisha boton foton e gruas së Dumanit duke i rrezikuar jetën! Si e gjykoni?

Lajme të tjera



×

Lajmi i fundit

FIFA paraqiti hartën e re pa Krimenë, Kievi: Kërkoni falje

FIFA paraqiti hartën e re pa Krimenë, Kievi: Kërkoni falje

14 Dhjetor, 21:41