POP 5

Lajmet më të lexuara të 5 minutave të fundit

Bota

Danimarka shfuqizon një festë publike për të rritur buxhetin në mbrojtje

Parlamenti i Danimarkës ka votuar për shfuqizimin e një feste në pranverë, për të rritur buxhetin për ushtrinë. Ligjvënësit kanë votuar me 95 vota për dhe 68 kundër, për mosfestimin e “Ditës së Lutjes së Madhe”, një festë fetare, e cila shënohet prej shekullit të 17-të

Danimarka shfuqizon një festë publike për të rritur buxhetin në mbrojtje

Danimarkë

Parlamenti i Danimarkës ka votuar për shfuqizimin e një feste në pranverë, për të rritur buxhetin për ushtrinë. Ligjvënësit kanë votuar me 95 vota për dhe 68 kundër, për mosfestimin e “Ditës së Lutjes së Madhe”, një festë fetare, e cila shënohet prej shekullit të 17-të.

Anulimi do t’i shtojë buxhetit shtetëror 427 milionë dollarë, që do të shfrytëzohen për mbrojtje, ka thënë Qeveria daneze. Mirëpo ky vendim është kundërshtuar nga politikanët opozitarë, sindikatat e punëtorëve dhe figurat fetare.

Ditë më parë, rreth 50.000 protestues janë mbledhur jashtë parlamentit në Kopenhagë për të protestuar rreth planit.

“Ndaleni hajninë”, ka thënë Karsten Honge, anëtar i Partisë Socialiste Popullore gjatë debatit parlamentar.

“Qeveria është duke urdhëruar njerëzit që të punojnë një ditë më shumë”.

Pavarësisht kundërshtimeve, koalicioni qeveritar në Danimarkë ka thënë se paratë shtesë janë të nevojshme për të rritur shpenzimet për buxhetin e NATO-s.

Sipas Qeverisë, këto ndryshime janë pasojë e luftës së Rusisë në Ukrainë. Popullsia e Danimarkës, i ka 11 ditë pushimi për festat publike.

“Nuk mendoj se është problem që të punohet një ditë më shumë”, ka thënë kryeministrja daneze, Mette Frederiksen.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

30 Janar, 08:16