Yorgen Fenech, drejtori menaxhues i Grupit Tumas, menaxher i përgjithshëm i termocentralit me gaz në Maltë, u riarrestua sërish disa orë pas lirimit të tij me kusht.
Ai akuzohet si porositësi i vrasjes së gazetares malteze Daphne Galicia, e cila atë kohë po hetonte mbi një dosje korrupsioni.
Biznesmeni Yorgen Fenech, i arrestuar të mërkurën, mbrëmë u la i lirë me kusht. Sot gazeta ‘Times of Malta’ raportoi se ai u riarrestua sërish sot.
Liria me kusht e biznesmenit e bëri edhe më të tensionuar përballjen politike që ka filluar në orët e fundit në ishullin e Maltës, ku jo më vonë se mbrëmjen e së mërkurës ndërtesa e qeverisë u rrethua nga një zinxhir njerëzor prej mijëra maltezëve të cilët kërkuan dorëheqjen e kryeministrit.
Gazetarja dhe blogerja e pavarur, Caruana Galizia në kohën e vrasjes ishte duke punuar mbi një dosje korrupsioni.
Në momentin e ekzekutimit, makina që ajo kishte marrë me qera për të lëvizur shpërtheu dhe u mbulua nga flakët.
Ajo u gjet nga djali i saj Matthew që dëgjoi shpërthimin nga shtëpia e tyre.
"Nuk do të pushoj derisa për Daphne të ketë drejtësi", deklaroi atë kohë kryeministri Muscat.
Në hetimet e gazetares për skandalet e ‘Panama Papers’, përfshihej edhe gruaja e kryeministrit, e cila gjithmonë i ka mohuar akuzat.
Lajme të tjera
-
Evropa ‘neutrale’ tkurret përballë zgjerimit të NATO-s
16 Maj 2022, 13:58 -
Vrasja e gazetares malteze Daphne Caruana Galizia, biznesmeni dënohet me 15 vite heqje lirie
23 Shkurt 2021, 16:12 -
Maltë-Gazetarja e vrarë/ Arrestohet kreu i kabinetit të ish-kryeministrit Muscat (VIDEO)
23 Shtator 2020, 14:07 -
Kriza e turizmit, Malta u jep para qytetarëve për t’i shpenzuar në restorante
9 Qershor 2020, 13:53
