DASH, ultimatum Turqisë: Jepni fund provokimeve, Tërhiqni mbrapsht Oruç Reis

Rinisja e misionit kërkimor të anijes Turke në Mesdheun lindor ka bërë që  edhe Departamenti Amerikan i Shtetit  të reagojë duke i bërë  thirrje Turqisë që t’u japë fund “provokimeve të vazhdueshme” në Mesdheun Lindor.

Në një deklaratë të lëshuar nga  DASH dhe të shpërndarë zëdhënësja Morgan Ortagus  ata dënojnë përdorimin e Navtex dhe i bëjnë thirrje Turqisë që t’u japë fund sfidave, në mënyrë që të niset një dialog me Greqinë.

Ajo u shpreh:

“Shtetet e Bashkuara nuk e pranojnë njoftimin e Turqisë për të rifilluar aktivitetin e saj kërkimor në zonat në të cilat Greqia mban gjithashtu juridiksionin në Mesdheun Lindor. “ u shpreh Ortagus. Ndërkohë që vazhdoi duke thënë se jjoftimi i Turqisë rrit në mënyrë të njëanshme tensionet në rajon dhe komplikon qëllimisht rinisjen e bisedimeve mes aleatëve tanë të NATO-s, Greqisë dhe Turqisë.

“Shtrëngimet, kërcënimet, dhe veprimtaria ushtarake nuk do të zgjidhin tensionet në Mesdheun Lindor. Veprimet e njëanshme nuk mund të krijojnë besim dhe nuk do të prodhojnë zgjidhje të qëndrueshme. Ne e nxisim Turqinë t’i japë fund kësaj sfide dhe të lejojë fillimin e bisedimeve me Greqinë”, bëri thirrje zëdhënsja e DASH.

Anija kërkimore turke Oruç Reis me ndihmën e anijeve  Ataman dhe Cengiz Han u largua nga porti i Antalias e shoqëruar nga rreth pesë anije luftarake turke të hënën në mëngjes, për të vazhduar misionin e saj kërkimor deri me 22 Tetor.

Franca gjithashtu shprehu shqetësimin e saj pasi Oruc Reis rifilloi kërkimot në Mesdheun Lindor. Ministria e jashtme  Greke  e përshkroi masën si njëpërshkallëzim të tensioneve dhe kërcënim të drejtpërdrejtë për paqen në rajon.

TAG:
• dash
• turqia
• Oruç Reis