POP 5

Lajmet më të lexuara të 5 minutave të fundit

Sport

De Biasi: Shqiptarët ishin pa
objektiva, ndryshova mentalitetin

Revista javore e FIFA-s “The Weekly” i ka kushtuar kopertinën futbollit shqiptar pas arritjeve historike këtë edicion të në arenën ndërkombëtare me kombëtaren në eliminatoret e ‘Euro 2016”, por edhe në nivel klubesh.
Revista javore e FIFA-s “The Weekly” i ka kushtuar kopertinën futbollit shqiptar pas arritjeve historike këtë edicion të në arenën ndërkombëtare me kombëtaren në eliminatoret e ‘Euro 2016”, por edhe në nivel klubesh, pasi sigurimi i fazës së grupeve të Europa League nga Skënderbeu ishte një tjetër sukses për ekipet shqiptare në Europë, pasi askush më parë nuk kishte arritur një gjë të tillë.

Revista analizon ngjitjen e futbollit shqiptar përmes një analize të gjatë dhe intervistës me trajnerin italian që drejton kombëtaren. Në artikullin kryesor të titulluar “Shampanjë në akull”
shkrimi nis “Hap pas hapi, Shqipëria e drejtuar nga De Biasi arriti që të ngjitej në vendin e 25 në FIFA duke lënë pas emra si SHBA, Meksikë apo Suedi”. 
de biasi
Ndërsa Gianni De Biasi tregon të gjitha vështirësitë në punën e tij në Shqipëri. “Kur mora drejtimin e kombëtares së Shqipërinë sfida më e madhe ishte të kuptoja mentalitetin e njerëzve, pasi secili ka zakone të vështira për t’u ndryshuar, por mendoj se ia kemi dalë mbanë. Futbollistët shqiptarë kënaqen me nivelin që arrijnë dhe nuk janë mësuar të shohin nga e ardhmja dhe të vendosin objektiva më madhorë” shprehet ai.
de biasi
Më pas tekniku është ndalur për të folur për arritjet e këtij edicioni dhe mundësitë për kualifikim dhe momentet më të bukura në Shqipëri. “Sigurimi i “Play-Off”-it është një arritje e madhe, pasi askush nuk e imagjinonte. Kualifikimi do të ishte një mrekulli, por kemi ende shumë punë për të bërë. Përsa i përket ndeshjeve më të bukura do të theksoja fitoret në Norvegji e Portugali për eliminatoret dhe ndaj Francës në miqësore”.
de biasi
Por a do të pranojë De Biasi që të rinovojë kontratën me Shqipërinë edhe për edicionin e eliminatoreve të Botërorit të Rusisë? “Duhet të kuptojmë planet e federatës shqiptare, nëse ka dëshirë të vazhdojë me mua në drejtim, apo të ndërrojë stafin drejtues” e mbyll me përgjigjen diplomatike italiani. Nuk kishte si të mungonte një pyetje edhe për shqiptarët e Kosovës, që përbëjnë boshtin e Shqipërisë.
de biasi
“Asgjë nuk do të ndryshojë për lojtarët që janë aktualisht pjesë e Shqipërisë, ata do të mbeten me ne edhe kur Kosova të pranohet në UEFA dhe FIFA”.Në fund tekniku ka vlerësuar punën e FSHF për terrenet sportive, por ka këshilluar klubet që të punojnë më shumë. “Është e vështirë për të gjetur terrene stërvitore për fëmijët, edhe pse këto vitet e fundit ka pasur përmirësime në këtë drejtim.
de biasi
Federata Shqiptare po punon shumë, por edhe klubet duhet të jenë më të organizuar dhe të kenë dëshirë të vazhdojnë të rriten. Ecuria e mirë Skënderbeut këtë edicion konfirmon rritjen e kampionatit, që ka ende shumë punë për të bërë dhe duhet të përmirësohet në aspektin e mentalitetit.

Kur lojtarët luajnë jashtë shtetit, rriten shumë dhe edukohen, ndërsa në Shqipëri ka nevojë për lojtarë të huaj cilësorë, nga shtete si Brazili e Italia, për shembull, në mënyrë që lojtarët vendas të testohen kundër tyre dhe të mësojnë”përfundon intervistën italiani.
 


d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako